|
|
| Politică şi icunumie |
| (2009-11-09) |
| Atea dit soni aspuneari: 2009-11-09 17:44 EET |
Işerea din criza politică şi adoptarea a bugetlui ti anlu 2010 suntu nai ma grealili condiţii ţi România prindi s-liu umplă ca reprezentantâl’i a Fondului Monetar Internaţional sâ s-toarnă Bucureşti ti darea a partil’ei a treia a împrumutului apufusit tu primveară.
Sâlâghearea a aţilor 1,5 miliardi di euro, pâradz ţi român’l’i lipsea sâ-l’i aproachi tu andreu, fu amânată ti ahurhita a anlui ţi yini. Tutu aşi s-feaţi ma ninti ş-cu miliardul di euro di la Comisia Europeană, sumă cari va s-poată s-hibă sâlâghită maş după ţi s-clarifică situaţia politică dit Românie, căţe Bruxellesul caftă “un consensu politic lărguriu şi un nou angajamentu di reformi”.
Tora di oară, România easti tu âmplină campanie ti prezidenţialili dit 22 di brumar, cu un guvernu demis şi un altu tu formari cu şansi dip niţ s-hibă aprobat di un Parlamentu ţi nu-l vrea. Performanţili înreghistrati fură ama buni, aproapea tuţ scupadzl’i, inclusiv aţel mutrinda xichea fiscală şi rezerveli internaţionali ali Bancă Chentrala, hiinda agiunşi, dzâsi şeflu ali misiunii FMI tu Românie, Jeffrey Franks.
Ama, feasţi eli timbihi, ma s-nu hibă loati misuri suplimentari, problemili di la işita aiştui an va s-aducă alti îmbodyiuri tu 2010:
“Lucrăm salami cu oficialităţli şi specialiştil’i di la Ministerlu di Finanţi ta s-putem s-li ândridzemu tuti aesti problemi cari işiră tu migdani ti anlu 2009, ama, câţe armasi putân chiro pân di bitisita a anlui, easti improbabil s-poată s-hibă tuti ceareipsiti. Aesti âmbodyiuri aduc, alti , cari va li videm tu 2010, ma s-nu hibă loati alti misuri suplimentari. Fără acţiun’i suplimentari, anticipaţia a noastră easti că xichea bugetără va s-agiungă tu 2010 la 9% dit PIB”.
Efectili amânaril’ei a tranşilor di la FMI şi Comisia Europeană pot s-hibă lişor anticipati. Tu situaţia s-află pi ayunie ma multi miliardi di euro, Bucureştiul va s-veadă zori sâ si âmprumută la tocuri mări di pi pâzârli internaţionali. Tu idyiul chiro, pi fondul mintăturlor di pi sţena politică, bănchili prezenti tu Românie li tânu tocurli nica multu pisti rata di politică monetară, cu consecinţi ti creditari em ti întreprinzători em ti populaţie.
Bugetarl’i au ună itie ma multu s-hibă găilipsiţ. El’i suntu obligai la 8-10 dzâli di vacantă nipâltită pân di işita a anlui. Ma multu, 9 n’il’i di el’i va s-hibă scoşi di pi lucru pân di 1 di yinaru, iara sindicatili au frică că, tu 2010, va s-hibă scoşi di pi lucru nica 150.000 dibugetari. Ynătusiţ, bugetarl’i di tuti domeniili ândreg misuri di protestu.
Autor: Corina Cristea
Apriduţearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-04
Print
Puteţ s-avdzâţ căndţido