Radio Romania International

Arhiva :

Iarna a arăţimil’ei di la porţă
(2009-11-02)
Atea dit soni aspuneari: 2009-11-02 12:47 EET Print
Ti ma puţăn di ună stămănă, tru România numirlu a lândzidzărlor ţi s-feaţiră di furn’ia a viruslui AH1N1 criscu cabaia. Dumănică, s-nreghistră naima marli numir di cazuri – cama di 70 - confirmati maş tru ună dzuuă. 40 ditu aesti tru staţiunea montană Struaia (centru), român’i şi xen’i prezenţă la un congres, iara autorităţli apufusiră ancl’idearea a hotelui la cari aeşţă eara cu durn’earea. Pânâ tora, tru România numirlu a oamin’ilor cari lăndzidzără tricu di 500, ama nu s-nreghistră niţi un deces. Bucureşti, Ministerlu a Sânâtatil’ei monitorizeadză focarili existenti şi analizeadză apofasili ţi suntu ananghi tră curmarea a gripăl’ei nauă. Secretarlu di stat dit aestu minister dr.Adrian Streinu Cercel spusi că România căftă dozi di vaccinu dit importu: ''Noi avem ananghi di aproapea 1 miliuni di dozi tra s-putem s-cilăstăsim tru fucurinili ţi li avem tru aestă oară, easti zborlu di Iaşi, Suceava, Bacău, Bucureşti, Sibiu, Craiova, Timişoara. Tru aestu chiro aştiptăm apandisili di partea a companiilor producătoari, alti andicra di Institutlu Cantacuzino di Bucureşti şi, cu chirolu anda eali va s-hibă aprucheati, avem umutea până marţă ică n’ercuri, s-putem şi să u criştem proţedura di ancupărari. Vaccinarea a elevilor va s-ahuhrească tu meslu yinar, după ţi s-tornu dit vacanţa''. Presa di Bucureşti faţi timbihi.''Gripa porcină ancl’idi sinurli şi apufuseaşti catandisea di ananghi. 40 di cazuri di gripa A H1N1 confirmati la un hotel di Sinaia şi anvărliga, cu aestă s-ampuliseaşti România tru dzălili dit soni'', ngrăpseaşti Romania Libera, cari agiundzi pi isapea că autoritătli fură loati pi napandica cu naua dalgă di gripă porcină. Chiro tru cari alţă l’ia meatri serti di preveniri, spun ma largu aţel’i di la Româ Libera, Bucureşti s-alăxescu strateghii şi, aşteaptă vaccinurli dit importu, s-faţi timbihi la bănători s-tin’sească normili di ighienă şi s-ducă la yiatru ma s-l’iacaţă arăţimea. ''Blocada a gripăl’ei porcină. Europa di estu, tru praglu a unăl’ei catastrofă'', consemneadză şi aţel’i di la Cotidianul, cari prezintă catandisea găilipsitoari dit statili viţini cu România. Lăhtarea agiumsi tu Ucraina, după ţi ndauă dzăţ di inşi muriră şi cama di 150 di n’il’i loară viruslu. Kievlu apufusi încl’idearea a sculiilor şi nu da izini la la manifestări puibliţi. Tra s-dănăsească duţearea ma largu ali epidemie, autorităţli ucrainieani căftară agiutor a statilor viţini, cum şi la SUA, UE şi NATO. Si tru Vărgărie s-apufusi epidimia di gripă tru dauă reghiuni. Tru Ungaria şi Rip.Moldova s-loară meatri di avigl’iari tră grăniceri, poliţişti şi yimbrucheari. Tru Europa dit Ascăpitată, naima aguditi suntu Spania şi Italia. Textul: Andreea Bojoi Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International