Radio Romania International

Arhiva :

Cum easti duchită ftuhia
(2009-10-28)
Atea dit soni aspuneari: 2009-10-28 13:59 EET Print
Tu UE, 80 di miliun’i inşii, vârâ 16% ditu acutotalu a dun’iauăl’ei bâneadză sum praglu ali ftuhie, spuni un studiu faptu tu meşl’i augustu-uizmăciun di Comisia Europeană. Persoanili suntu luyursiti ftohi cându bâ bâneadză ditu unu amintatic ma n’ic di 60% ditu amintaticlu di mesi a unăl’ei nicuchirată ditu aţea vâsilie. Tu Romanie, vâsilie membră a UE dit 2007, rata ali ftuhie easti , di 10 an’i, sinusoidală, cu ună tendinţă di crişteari tu daua giumitati a aiştui an, ună oară cu intrarea tu criza icunomică şi financiară. Ma s-minduim că nivelul gheneral a amintaticlui tu Romanie easti ma n’icu andicra di vâsiliili dezvoltati dit UE, putem să spunem că ună rată ali ftuhie di 18,6% reprezintă un nivel sertu. Tutunăoară, cifrili oficiali spun că, la hoară incidenţa ali ftuhie agiundzi pân di 29,9% ditu dun’iauă. Dinclo, ama, di aesti statistiţ cari spunu un trend ascendentu ali ftuhie, ari şi ună minduită individuală a cetăţeanlui. Studiul CE spuni că român’l’i pistipsescu, tu proţentu di 90% că ftuhia easti multu arâspândită tu vâsilia a lor, iara pi scara ali întreagă UE, percepţia easti di 75%. Optu di 10 europen’i dzâcu că gradlu di ftuhie criscu tu vâsilia a lor, tu aeşti trei an’i. Somajlu mari, tin’iili di cafi mesu a lucrătorlor şi agiutoarili sociali nj’ţ, pensiili ţi nu agiungu suntu nai ma arăspânditili explicaţii ti criştearea a ftuhiil’ei. Nâscănti rapoarti oficiali, spunu că, tu Romanie, di itia a crizăl’ei icunomică, numirlu a oamin’ilor ftohi va s-crească la 1,5 miliun’i di persoani. Academicianll Cătălin Zamfir dzâţi că ti aestu fenomen ari stepsu tranziţia ali Românie di la comunismu la capitalismu”Tranziţia fu ună turlie di camilă cu trei camburi. Fură trei momenti di ftuhie. Tu 1992-1994, in 1997-2000 şi tora easti treia cambură, cari va s-hibă multu greauă. Nă arâdemu că easti zborlu maş di ună criză mondială. Aestă criză mondială s-alichipi ună icunumie slăbuşcă ş-fârâ zigă. Ti aţea, România va sâ-ăndreagă cu zori dupu aestă criză.” Ta s-u alâxească catandisea, specialiştil’i pripun programi di ândrupari a pareilor sociali tu piricl’iu cum suntu ficiuriţl’i, auşl’i, populatia di la hoară, nicuchiratili cu mulţâ membri, etnia ghiftească. Ama şi aşi ună alâxeari semnificativă, nu pari s-yină ninti di 5 an’i. Aesti programi s-adavgă, la un plan di misuri pi cari UE lu ândreapsi tu proiectul “2010 – Anlu european ti alumta contra a ftuhiil’ei şi excluziunil’ei”, proiectu cari va s-hibă lansat, tu meslu şcurtu ş-tu Românie. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International