|
|
| Scrutin „2 în 1” |
| (2009-10-27) |
| Atea dit soni aspuneari: 2009-10-27 12:49 EET |
Tru România ahurhi, ufiţial, gimbuşea prezidinţială. Alidzerli va s-ţănă pi 22 di brumar, protlu tur, iara a doua rundă, spusă ca hiindalui salami di sondajili di opinie, easti prevăzută tră 6 di andreu. Dit aţel’i ţi au nădii la funcţia supremă, majoritatea suntu politicieni consacraţ, născănta maş candidaţ di serviciu ama fără vocaţie ică şansiSă stricurară şî candidaţ excentriţ, a curi miză, ma s-nu hibă ananghea di notorietati, armâni un mistiryiu. Aşi cum spun, tora, cotili di piaţă, partida va s-agioacă, practic, tru trei. Dit aestu triunghiu di forţă fac parti actualu prezidentu, Traian Băsescu - independentu, ama andrupăt di PD-L - şeful a PSD şi prezidentul a Senatlui, Mircea Geoană, şi liderul PNL, Crin Antonescu. El’i reprezintă aţeali trei partidi cari domină Parlamentul di Bucureşti. Ateali dit soni sondaje anticipeadză un duel final Băsescu – Geoană. Protlu chiru puncti pi fondul a crizăl’ei politiţi, inşită tru migdani di arupearea a coaliţiil’ei guvernamentali PSD-PDL şi cădearea prit moţiuni di cenzură, a cabinetlui minoritar democrat-liberal. Prezidentul vrea s-eara amendat dupu niapruchearea intransingentă a pripuniril’ei tră postul di premier vinită di partea a unei majoritati parlamentari. Băsescu şi Geoană graviteadză anvărliga di 30% dit naeţli di vot. Dupu el’i, la aproapea 10 proţenti distanţă, easti Crin Antonescu, singurlu dit atel’i trei cari nu easti anănghisitu s-deconteadză electoral efectili a recesiunil’ei. Yinu deapoa tru top primarlu independentu a Bucureştiului, fostul social-democrat Sorin Oprescu, şi un pluton politic, adrat dit populiştil’i Corneliu Vadim Tudor şi George Becali, a curi lă si adavgă candidatlu UDMR (parlamentar), Kelemen Hunor. Pi 22 di brumar, român’il’i va s-da un vot tră yiintorlu şef a statlui, ama suntu cl’imaţ şi la referendumul convocat di prezidentul di tora, pi tema ti băgarea tu lucru a Parlamentului unicameral, n’icşurat ca numir la maxim 300 di membri. Convocarea a referendumlui tru idyea dzuuă cu scrutinlu prezidenţial easti vidzut di adversari ca ună stratagemă prit cari Traian Băsescu mindueaşti să s-filisească, electoral, di antipatia pi cari o scoală tru arada a bănătorlor un legislativ ţi easti duchitu ca devorator nihăirlăticu di păradz publiţ. Prezidentul adră dit reforma a statlui şi a clasăl’ei politiţi leit - motivi a primlui mandat. Rezultatili suntu, ama, ma multu modesti, spun comentatorl’ii, chiro tru cari rivalii suntu pi dauă cu nămuzea. „Singur contra a tutălor” easti, ama, partitura politică ţi u va ma multu Traian Băsescu, şi nu va s-hibă altă turlie, niţi tru aestă campanie, cari să spuni ună ţentrată pi personajlu prinţipal a sţenăl’ei politiţi.
Textul: Ştefan Stoica
Apriduţearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido