Radio Romania International

Arhiva :

Misiun’i financiari Bucureşti
(2009-10-26)
Atea dit soni aspuneari: 2009-10-26 14:32 EET Print
Anamisa di 28 di sumedru – 9 di brumar, ună misiuni a Fondului Monetar Internaţional,deadunu cu ună echipă ali Comisie Europeană şi ali Bancă Mondială, va s-yină Bucureşti ti nali discuţii cu autorităţli româneşti. Vizita s-faţi la câftarea a prezidentului roman, Traian Băsescu, cari u alâxi deţizia iniţială a instituţilor financiari internaţionali, cari avea dată tră şteari că va s-yină Bucureşti maş după ţi România va s-aibă un nou guvernu, aprobat di Parlamentu. Şeflu ali misiuni FMI tu Romanie, Jeffrey Franks dzâsi că experţâl’i va li igsească performanţili icunomiţi ţi li feaţi tora ayon’ia România şi va s-discută cu autorităţli obiectivili icunomiţi ti anlu ţi yini, cum şi misurli politiţi şi reformili structurali dicari easti ananghi ta s-agiungă aeşti scupadz. Misiunea va s-andâmusească ş-cu partidili politiţi, asociaţiili a emburlor, reprezentanţâl’i bancari şi aţel’i a organizaţiilor ali societati civilă. Jaffrey Franks declară că ti bitisearea ali igseari va s-hibă ananghi di un angajamentu politic extins ti aprobarea a bugetlui pi 2010, cu ună xichi di nai multu 5,9% ditu PIB. România ari ananghi di 1,5 miliardi di euro ditu a treia tranşă di la FMI şi di un miliard di euro cari lipseaşti s-yină pân di işita a anlui di la UE, ta s-anvâlească ananghea di finanţari a xichil’ei bugetară. Imprumuturili au ca destinaţie ândruparea a reformilor guvernamentali tu dumenea ali fiscalitatii, a avigl’iaril’ei socială şi tu sectorlu financiar. Pi di altă parti, premierlu tu exerciţiu, Emil Boc declară că executivlu va s-promovează tu parlamentu proiectul a nomlui mutrinda responsabilitatea fiscală, ca ună condiţie tu achicâsearea cu FMI. Emil Boc şi-spusi nădia a exprimat speranţa că leghislativlul va s-aprobă nomlu a pensiilor şi va s-li umplă aşiţi tu trimestrul III, condiţiili bâgati tu acâchisearea di împrumut cu FMI. Emil Boc: „Am nădia că ântr-oară guvernul cari vini s-poată s-bagă proiectul a nomlui a bugetlui pi 2010, şi aestu s-hibă aprobat până la 31 di andreu anlu aestu, aşi cum dzâcu angajamentili internaţionali ali Românie”. Aduţem aminti că acăchisearea di finanţari cu FMI, ampărţâtă pi optu tranşi s-tindi pi doi an’i şi ari ună valoari totală di vârâ 13 di miliardi di euro. Ea faţi parti dit ună pachetă di finanţari externă la cari participă şi UE, Banca Mondială şi Banca Europeană ti Reconstrucţie şi Dezvoltari, cari agiundzi la aproapea 20 miliardi di euro. Treia tranşă di la FMI lipseaşti s-hibă dată tu meslu andreu ş-easti ligată di raportul a yinitoaril’ei igseari, după ţi protili dauă tranşi fură dati ali Românie tu meşl’i mai şi yizmăciun, ş-pân di işita a anlui Bucureştiul prindi s-l’ia şi deftura tranşă di la UE, dupâ aţea dată tu meslu alunar. Autor: Daniela Ştefanescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International