Radio Romania International

Arhiva :

PAREIA ILASCU – UN SIMBOL
(2007-06-04)
Atea dit soni aspuneari: 2007-06-04 13:55 EET Print
Aoa ş- 15 di an’i, ţinţi cetăţen’i ali R.Moldova eara acâţaţ di poliţie, la domiciliili a lor di Tiraspol, reghiunea Transnistria ( majoritar rusofonâ, ţi easti tu estul ali R. Moldova - ex - sovieticâ, majoritar românofonâ). Al Ilie Ilaşcu, Andrei Ivanţoc, Alexandru Leşco, Tudor Petrov-Popa ş-Petru Godiac lâ bâga stepsu câ taha feaţirâ crimi di polomu şi acţiun’i teroristi. Eara chirolu nai ma greu dit istoria R.Moldova, cându noulu stat, disfaptu dit URSS, s-alumta cu separatismul a liderlor rusofon’i si pro -sovietiţ dit reghiunea di estu. El’i dzâţea că taha u apără Transnistria di piricl’iul a fâţearil’ei unâ ali R.Moldova cu România. Ti aestâ nchisi polimlu dit 1992 anamisa di aţeali dauâ mealuiri a arâului Nistru, conflictu militar tu cari rusofon’il’i furâ ndrupaţ di Ascherea a 14 -a aruseascâ armasâ, di atumţea, paranom, tu spaţiul naţional ali R.Moldova. Cu tuti câ amintă polimlu tu cari murirâ suti di inşii şi putu di armasi autonomâ, Transnistria armasi unâ entitati statalâ nipricunuscutâ, juridic, pi plan international. Ca unâ consecinţâ, deţiziili juridiţi a tribunallui cari l’i-ari giudicatâ pi aţel’i ţinţi moldoven’i suntu nuli. Membril’i a gruplui furâ condamnaţ la an’i grei di ahapsi, iara Ilie Ilaşcu la pideapsa capitalâ. Di itia presiun’ilor internaţionali, Ilaşcu fu sâlâghit tu 2001; azâ easti senator tu Parlamentul ali Românie. Petru Godiac s-arifugiie ş-elu tu Românie, dupâ ţi feaţi doi ani dit condamnari; Alexandru Leşco feaţi 12 di an’i di ahapsi, hiinda sâlâghit tu 2004. Pidepsi mări loarâ Andrei Ivanţoc ş- Tudor Petrov - Popa, câti 15 di an’i. El’i furâ sâlâghiţ 2 şi 4 di cirişaru eastanu. Lumea libirâ feaţi pidimo di ma multi ori ti sâlâghearea a âncl’işloru politiţ ditu “Pareia Ilaşcu.” CEDO u feaţi responsabilâ Rusia ti polimlu dit 1992 ş-ti efectili a lui ş-câftă sâlâghearea ântr-oarâ a âncl’işlor politiţ dit Transnistria. Romania oficialâ şi societatea civilâ au actionatâ pi tuti căl’iurli ti soluţionarea a cazlui. S-aduţemu aminti câ nai ma marea parti a teritoriului ali Rip. Moldova di azâ fu arâchitâ di Stalin di la Romania prin pactul Ribentropp-Molotov tu 1939. Libirarea a aţilor ţinţi patrioţ , cari au amintatâ şi cetătenia română, nu u rezolvâ, ama, problema a separatismului şi a îndrepturlor a omlui tu R.Moldova. Ligatu di aestâ, MAI di Bucuresti spunea tu un comunicatu câ sâlâghearea ali parei Ilaşcu s-feaţi para amânatu şi ş-arâdi di comunitatea internaţionalâ. Ti populaţia românofonâ dit R.Moldova (pisti 60%) ş-dit Transnistria (pisti 40%), alumpta ti spunearea ali identitati naţionalâ şi ti ămpârtârea ti totna di modelul sovietic ş-di comunismu va s-ducâ ninti. Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International