Radio Romania International

Arhiva :

Ăncâceri ti premier
(2009-10-19)
Atea dit soni aspuneari: 2009-10-19 13:31 EET Print
Prezidenţiabil’i român’i amână competiţia pi proiecti, dio altă parti, hârgiuiescu energhie electorală pi un subiectu cari agiumsi tu prota thesi – numa a yinitorlui premier. Traian Băsescu şi a lui fidel Partid Democrat Liberal suntu singuri. Ufilisinda prerogativili constituţionali, şeflu a statlui număsi candidat ti funcţia di prim-ministru un economistu, pi Lucian Croitoru, unu omu cu una bană afirită. Croitoru fu vrutu di Traian Băsescu câţe minduiaşti că elu reprezintă ună garanţie că acâchiserli di împrumut simnati cu FMI, Uniunea Europeană şi Banca Mondială va să s-ducă ninti fârâ problemi. Misiunea alu Croitoru s-adună anvârliga di elu şi a programului ună majoritati s-pari, ama, ună imposibilă. Ândrupatu di PDL, elu ari conta a lui împotrivă forţi politiţi parlamentari cari deadunu facu ma multu di 65% ditu Parlament. PSD, PNL, UDMR şi gruplu a minorităţilor naţionali şi spunu, cu iţi itie , ândruparea ti varianta Klaus Johannis, primarlu a Sibiului (centru, capitală culturală europeană în 2007) şi lider al Forumului Democratic Ghirman. Frontul pro-Johannis, duchitu ca unu anti-Băsescu, easti cumândusitu di principal’i contracandidaţ prezidentului di tora, liderlu social-democrat Mircea Geoană şi aţel liberal, Crin Antonescu. Traian Băsescu nu easti, ama, omul cari s-alasă di la elu. După ţi âl’i nivrisi pi adversari, cumu şi pi jurişti, cându zbură di posibilitatea alidzerlor anticipati – interzisă di Constituţie tu 6-l’i meşi ditu soni di mandat prezidenţial - Traian Băsescu, u şutâ dinăcali , ama feaţi contratacă şi dzâsi că aestu cabinet di tora Emil Boc, demis prit moţiuni di cenzură, poati s-armână tu funcţie până la alidzerli egerili prezidenţiali ditu 22 di brumaru şi 6 di andreu. Cu alti zboară, prezidentul poati s-nu mata număsească un altu candidat maca Lucian Croitoru nu easti aprucheat di Parlamentu. Tora, România ari un premier demis, dimi interimar, unu număsitu, ama fără şansi, şi unu informal, vrutu di majoritatea politică şi – u spun sondajili – şi di public. Provizoratlu ţi s-lundzeaşti bagă tu piricl’iu catandisea icunomică. „Politicienil’i s-batu ti puteari, iara statlu ari ananghi ântr-oară di 3,5 miliardi di euro”, faţi timbihi ZIARUL FINANCIAR cari spuni că maca nu yinu pâradzl’i di la FMI şi UE, va s-hibă ananghi ca statlu s-âmprumută di pi pâzarea dinuntru, ş-aestă va u âmbuyuysească finanţarea ti sectorlu privat. Ningă ună hartă ali Românie dominată di figurili a prezidenţiabililor Băsescu, Goeană şi Antonescu, jurnalu ngrâpseaşti: criza politică u mbudyiuseaşti relansarea icunomică”. Autor: Ştefan Stoica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International