Radio Romania International

Arhiva :

Moţiuni di cenzurâ 13.10.2009
(2009-10-13)
Atea dit soni aspuneari: 2009-11-27 17:23 EET Print
Premierâ absolutâ tu aţel’i 20 an’i di democraţie româneascâ di dupu comunismo, azâ, guvernul minoritar PDL(pro-prezidenţial) cumândusit di Emil Boc fu surpat prit apruchearea tu Parlamentu a unâl’ei moţiuni di cenzurâ iniţiatâ di PNL şi UDMR. Ti surpari eara ananghi ti 236 dit acutotalui 471 di parlamentari, iara moţiunea adună 254 ti şi 176 contra. Paradoxu banal tu politica româneascâ, udmr alasâ pânâ tu soni spunearea a minduitâl’ei ti cum va s-voteazâ el’i ti un textu a curi autor eara. Aşi că ti apufaseari furâ voturli a deputaţlor şi senatorlor cari, mizi fudzit di la guvernari, mintirâ dip, haristusiţ că textul a moţiunil’ei nu aduţi câtâyurseari a turliei ti cumânduseari a lor la puteari dit andreu 2008 pânâ tu yizmâciun 2009 şi easti ti aţel’i 11 minişţrâ PDL ţi avea loatâ intermiar şi portofoliul nanstânga. Textu lâ aduţi stepsu a pdl-işţâlor că asparsirâ ziga politicâ, adusirâ la ftuhii populu shi mansus ndreg unâ furlâchi electoralâ ti şeflu a statlui tu yinitoarili alidzeri prezidenţiali di 22 di brumar şi 6 di andreu. Mslu ţi tricu di furn’ia a unâl’ei ndrupari di 70 di proţenti, giumitati di la PSD guvernul ascâpă di moţiunea bâgatâ di liberali şi UDM-rişti. Tora, cu unâ ndrupari di 35 % cât easti a PDL-işţâlor tu Leghislativ, s-aştipta la triţearea ali moţiuni. Unâoarâ polimlu nchisit, va s-hibâ un turnir procedural. Cabinetlu Boc ari un interimar di 45 di dzâli, va s-ndreagâ protlu tur a prezidenţialilor, ama nu va s-poatâ s-da ordonanţi di ananghi , aţea ţi s-adra pânâ tora. Apufasit s-armânâ nucleul sertu a putearil’ei, PDL-lu deadi hâbari ti unâ nauâ pareii guvernamentalâ. Oferta liberalâ ndrupatâ di PSD easti un guvernu di tehnocrat, neutri politic şi imparţiali a prezidenţialilor. Cum va s-hibâ soluţia, analişţâl’i dzâc că unâoarâ cu criştearea a crizâl’ei soţialâ şi economicâ cu şomaj ţi tut creaşti, cu moneda naţionalâ ţi scadi şi sindicatili pi geadeii, singurlu lucru sigur easti că dunjeaua nu va s-ducâ la alidzeri. Va s-hibâ un absenteismu recordu ca apandisi la unâ clasâ politicâ niaxi, cinicâ ţi, acâţatâ cu agiocurli politiţi, agârşi di anaghea a electoratlui ţi, taha, u reprezintâ. Textu: Bogdan Matei Armânipseari: Aurica Piha

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International