Radio Romania International

Arhiva :

Criza economică şi căftărli tră tin’’iili di cafi mes
(2009-10-12)
Atea dit soni aspuneari: 2009-10-12 12:28 EET Print
Greaua cădeari economică, ma greauaă di cătu s-minduia, şi apruchearea a alidzerlor prezidenţiale pot să slăghească agiutorlu ti apofasili ţi suntu ananghi di ajustari şi reformi structurali tru România. Easti ună dit concluziili a misiunil’ei di evaluari a Fondului Monetar Internaţional, ţi eara vinit Bucureşti tru prota parti a meslui agustu, cari deadi tru şteari, stămâna ţi tricu, raportul di văsilie simnat cu aestă furn’ie. Documentul cundil’adză n’icşurarea cu 7,6% a activitatil’ei economică tru prota parti a anlui, comparativ cu ună scădeari di 2,75% cât s-pruvidea tru acordul stand-by simnat tu primuveară cu FMI. “Archişurarea lugursescu experţăl’i a Fondului, s-faţi di furn’ia a unăl’ei contracţie vărtoasă a căftaril’ei pi plan internu, macsus a consumlui, căţe bănţăli u n’icşurară creditarea, criştearea a tin’iilor di cafi mes fu dănăsită, iara pistusinea scădzu cabaia”. Acă ritmul a archişuraril’ei economică ahurhi să s-n’icşuradză tru trimestrul doi dit 2009, la crişteari nu va s-agiungă până tru bitisita a aluştui an ică ahurhita a anlui 2010. Ma multu, instituţia financiară internaţională pruveadi ună aspărdzeari a indicatorlor macro-economiţ, ună crişteari a ixichil’ei bugetară cama di 7,3%, ună rată a şomajului di 9,6% şi ună n’icşurari a putearil’ei di ancupărari reală cu 3%. Acordul di finanţari cu FMI s-tindi pi ună perioadă di 24 di meşi, România poati să s-hărsească di aestă instituţie aproapea cu 13 miliaradi di euro, tu opt părţă. Păradzl’i suntu parti dit un împărmut total di aproapea 20 di miliaradi di euro, dit cari 5 miliaradi suntu di la Comisia Europeană, 1 miliaradu di la Banca Mondială şi 1 miliaradu di la Banca Europeană tră Reconstrucţie şi Dizvoltari. Loarea a păradzlor easti condiţionată, ama, di tin’isearea a pruviderlor dit acordu, iara un di angajamenti spun ti n’icşurarea a hărgilor la tin’iili di cafi mes, cari lipseaşti s-hibă acăţati tru isapi, până tru 2015, la 7% dit Produslu Internu Brut. Acăţat anamisa di căftărli a Fondului şi zorea ţi u bagă sindicatili, cari s-aspar di n’icşurări la tin’iili di cafi mes a bugetarlor dupu băgarea tru lucru a năului nom a tin’iilor di cafi mes unitari, guvernanţăl’ii români păzărăpsescu cu liderl’ii a lucrătorlor, pripunăndalui, tru idyiul chiro, un moratoriu ti dănăsearea a protestilor până după aprucheatili alidzeri prezidinţiale. Titlurli işiti ază, tru presa di Bucureşti yilipsescu catandisea dit România ţi easti tu ună scădeari cabaia mari. EVENIMENTUL ZILEI: ”Se ahănduseaşti criza. Experţăl’ii a Fondului Monetar Internaţional nă ved tut ma arău”, ZIARAUL FINANCIAR: “FMI: România nu va s-n’icşureadză ixichea bugetară sum 3% tru 2011”, “GÂNDUL: “FMI: şomajlu va s-lăscănească tru 2010, iara creditarea va s-ahurhească tăş tru 2011”.(12.10.2009) Textul: Corina Cristea Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International