Radio Romania International

Arhiva :

Protestu şi politică
(2009-10-08)
Atea dit soni aspuneari: 2009-10-08 13:52 EET Print
Cârtiţ di misurili di austeritati dati tră şteari di guvernul minoritar democrat-liberal, n’il’i di român’i au participată, n’iercuri, Bucureşti, la nai ma marli miting di după 1989. Vârâ 15 n’il’i di persoani, dzâţi Jandarmeria, şi 30 di n’il’i, dzâcu sindicaliştil’i, s-au adunată dinintea a sediului a Executivlui, ta s-caftă alâxearea a nomlui ali salarizarii unitară cari lipseaşti s-intră pi luctu di anlu ţi yini şi cari fu promovată fără discuţii tu Parlamentu, prit loarea ali arăspunderi di Guvernu. Cu tuti declaraţiili a guvernanţâlor că noulu nom nu va s-ducâ la ascâdearea a tin’iilor di cafi mesu, marea majoritati a aţilor aproapea ună miliuni şi 400 di n’il’i di bugetari si aşteaptă la un amintatic ma n’icu ahurhinda cu anlu 2010, di itia daril’ei nanaparti a născăntor adâvdzeri ică a crişterlor di impoziti. El’i caftă, ca tin’ia di cafi mesu minimă s-hibă, anlu ţi yini, di 170 di euro, andicra di 145 di euro cât easti tora şi s-nu mata lă bagă zori a bugetarlor ti 10 di dzâli di vacanţă nipâltită pân di işita a anlui 2009. Maca nu va lă hibă umpluti câftărli el’i fuvirsescu cu duţearea ninti a protestilor, cari potu s-agiungă pân di greva ghenerală. Tuti aesti, tu ună Românie ţi easti pi scâdeari icunomică, cu ună contracţie ali icunumie luyursită la 8,5% di Fondul Monetar Internaţional ti estan. Ş-cifrili dati tră şteari di Institutlu Naţional di Statistică spunu că ş-tu meslu augustu scâdzu producţia industrială, andicra di meslu di ma ninti. Miniştril’i a premierlui Emil Boc, tuţ di la PD-L să spunu siguri după ţi partenerl’i a lor dit PSD işiră di la guvernari, aoa ş-ună săptămână, ş-lă bagă stepsu ti călcarea a protocollui. Mesajlu a guvernului PD-L easti că li au lucârli tu mână. Alanti partidi, dzâcu ama că tu aestu momentu easti ananghi di un guvernu di tehnocraţ. Deadunu cu UDMR, liberal’i au ânchisită ună moţiuni di cenzură, cari va s-hibă votată stămâna ţi yini, şi cari va s-hibă ândrupată şi di social-democraţ. Nu easti singurlu efectu a triţearil’ei PSD tu opoziţie. Di itia a aiştei nauă poziţionari a partidului di stânga, ţi ari 33% ditu mandatili di parlamentar, Birourili Permanenti au dată prioritati ti zburărea ali moţiuni di cenzură ş-u amânară procedura ti una nauă loari ali arâspunderi ţi u va guvernul, aestă oară pi subiectul sensibil a nomlui a pensiilor. Yinitorlu actu normativ pruveadi darea nanaparti a pensiilor speciali, inclusiv pi aţeali a parlamentarlor, iara un vot majoritar negativ, cari duţi la cădearea a guvernului, poati s-hibă ufilisitu tu campania electorală. Niţi aşi, tora di oară, lucârli nu suntu bitisiti câţe parlamentarl’i PD-L işiră ditu sală ninti s-hibă ghivăsită moţiunea, ţi u luyursescu niconstituţională, şi amână aşi momentul cându va s-hibă votată tu Parlamentu. Jurnalu GÂNDUL titrează: “PD-L faţă cu moţiunea: << Şi macă treaţi, şi macă cadi, easti ghini ti noi>>”,“democrat-liberal’i au un plan B”. Tutu GÂNDUL scrie că PD-L “pâzârâpseaşti cu yuna parti ditu UDMR ti ună guvernari comună”, aestă variantă hiinda ândreaptă ti cazlu tu cari “moţiunea di cenzură, ândrupată di PNL, UDMR şi PSD, va lu surpă guvernul Boc”. Publicaţia cama scrii că “pedeliştil’i nu suntu gâilipsiţ di cădearea a guvernului câţe Traian Băsescu iara va-l număsească pi Emil Boc premier şi că, pi ninga aestă, partidlu poati şi să s-victimizează tu campanie şi s-u condamnă iresponsabilitatea a aţilor cari voru s-li ţână pensiili di primansusu a parlamentarlor”. Autor: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International