Radio Romania International

Arhiva :

MEDIA TOP
(2009-10-07)
Atea dit soni aspuneari: 2009-10-07 15:49 EET Print
Aputrusitu di opoziţia liberală şi social-democrată, guvernul român minoritar, cumândusitu di democrat-liberallu Emil Boc, deadi hâbari că ş-u l’ia răspunderea tu Parlamentu ti nomlu a sistemlui unitar di pensii. Proţlu cabinet Boc, ândrupat di ună majoritati largă PDL – PSD, avea agiumtă pritu aestă campionlu absolut a asumărlor, ş-u angaje răspunderea ti Codurli juridiţi, nomlu ali educaţie, ali salarizării unitară cum şi ti nomlu di restructurari a aghenţiilor guvernamentalie. Tora, un ahtari gestu, faptu dinintea a unui legislativ majoritar contra, ari scupadz politiţ şi electoral’i, pistipsescu jurnalili. Sum titlu „Guvernul ari intrată oficial tu campanie ti Traian Băsescu”, EVENIMENTUL ZILEI dzâţi că angajarea ali răspunderi pi nomlu a pensiilor, ună din priorităţli prezidenţiali, easti contraofensiva PDL la planurli di surpari a guvernului prit moţiuni di cenzură. Şi ROMÂNIA LIBERĂ easti di păreari că nomlu a pensiilor easti poliţa di asiguripseari a Guvernului Boc. Explicaţia easti aplo: nomlu da nanaparti pensiili speciale, di n’il’i di euro, di cari si hârsescu, tora, maghistraţl’i, poliţiştil’i, piloţl’i, diplomaţl’i, militarl’i şi parlamentarl’i. Cu arestu argumentu – spuni ROMÂNIA LIBERĂ – “Boc ş-arâdi di opoziţie”, a curi âl’i pitreaţi zboru va s-hibă ună tin’ie di elu maca executivlu ţi-l cumânduseaşti va s-cadă câţe ari pripusă un nom cari da nanaparti ifculiili a pensionerilor di luxu şi âl’i agiută pi aţel’i cu pensii n’iţ. Dinclo di şupeili ti isăchi politicianisti, toată lumea easti sinfună că unu ahtari nom easti lipsit. Maş că, sindicateli – nivrisiti di turlia cum fu promovat nomlu ali salarizari unitară – veadi tora, cu ciudie, că executivlu Boc 2 fati tutu aşi ş-cu nomlu a pensiilor, ş-nu şeadi di zbor cu partenerl’i social’i. “Nâ bâgară piştola la tâmplă”, declara, nivrisitu, ti COTIDIANUL, liderlu di la ună mari chentrală sindicală. Nomlu a pensiilor easti un obiectiv asumat di România tu acăchisearea di împrumut cu FMI. Proiectul pruveadi, pi ningă darea nanaparti a pensiilor speciali – ti cari fură dati vârâ 80 di nomuri - criştearea ali ilichie di pensionari la 65 di an’i ti bărbaţ şi mul’ieri până tu 2030, cum şi descurajarea a pensionărlor ninti di vade şi a aţilor ti sicaţ. Numirlu aiştor criscu di primansusu. Tu Românie ari tora 5,7 miliun’i di pensioneri şi maş 4,9 miliun’i di oamin’i activi, ţi păltescu taxi. Naili pruvideri au tu scupo s-da nanaparti ifculiili di primansusu şi potu s-aducă icunumii di miliardi di euro tu 30 di an’i, luyutrsescu aţel’i ţi lu minduiră nomlu. Autor: Ştefan Stoica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International