Radio Romania International

Arhiva :

Media Top
(2009-10-05)
Atea dit soni aspuneari: 2009-10-05 13:57 EET Print
''Romania, paralizată di greva ghenerală'', titrează JURNALUL NATIONAL, cari faţi timbihi a ghivăsitorlor că luni nu easti una dzuuă bună s-nedz la spital ică s-pâlteşti taxi la stat, câţe yiatsărli şi funcţionarl’i publiţ va s-asiguripsească maş treia parti ditu activitati, respectiv maş catandisea di mari ananghi, iara profesorl’i maş âl’i veagl’ie elevl’i. La aeşti s-adavgă şi poliţiştil’i, cari suntu tu grevă japoneză. ''Bugetarl’i li âmbudyiusescu instituţiili publiţi', scrie ROMANIA LIBERA, cari tipusaeaşti zboarăli a liderlor di sindicat, cari dzâsiră că greva ghenerală ditu 5 di sumedru va s-hibă nai ma marea ditu istoria recentă ali văsilie, câţe ma multu di giumitati ditu aţel’i ma multu di 1,4 miliun’i di lucrători la stat dânâsiră lucrul ti ună dzuuă. Bugetarl’i suntu cârtiţ di noulu nom a tin’iilor di cafi mesu unitari tu sistemlu public, cari va li ascadă amintaticlu, di avinărli di la lucru pruvidzuti ti 2010 şi di aţeali 10 dzâli di vacanţă nipăltită ti cari bagă zori guvernul, până la işita a anlui. ''Dzuua cându statlu l’ia ună pauză:750 di n’il’i di bugetari tu grevă'' da hâbari GANDUL, cari sumcundil’iadză că Romania bagă mandalu pi uşă, di itia a nai ma maril’ei grevă autohtonă, ditu istoria a l’ei. Sindicaliştil’i caftă a guvernului s-nu li tin’isească nai ma importantili misuri câftati di FMI: nomlu ali salarizari unitară, avinărli di la lucru colectivi şi vacanţa nipăltită, di cari easti ananghi ta s-nu crească cama xichea bugetară. Jurnaliştil’i di la GANDUL bagă oară ti situaţia ndilicată tu cari easti guvernul Boc 2, cari cât vini la puteari, după ritrădzearea di la guvernari a partenerilor PSD, di itia scutearil’ei di pi lucru a coleglui a lor di partid, ministrul di interni, Dan Nica. Executivlu easti acăţatu tu mesi anamisa di protestul a bugetarlor şi presiunili FMI, ş-can nu va s-alasă di la elu. ''Greva ghenerală di probă'', scrie ZIUA, cari da hâbari că protestul di luni a bugetarlor easti maş ahurhita, câţe aeşti au tu program ti n’iercuri, di Dzuua Internaţională a Lucrului Tin’isitu, un mari miting Bucureşti. Liderl’i di sindicat feaţiră timbihi că, maca câftărli a lor nu va s-hibă tin’isiti, va s- intră tu grevă ghenerală fârâ vade, tu 16 di brumar. Patron’il’i dzâcu că, ma să s-facă aestă, tu primveara a anlui 2010 Romania va s-intră tu incapacitati di plată. Poziţia a lor u spuni EVENIMENTUL ZILEI - “Emburl’i ţân cu chivernisea tu alumta cu greviştil’i,' ş-dzâcu că misurili loati di Executiv suntu dio ananghi şi obligatorii şi, ma multu, caftă solidaritati di partea a bugetarlor. Autor: Andreea Bojoi Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International