Radio Romania International

Arhiva :

Tocuri şi crediti
(2009-09-30)
Atea dit soni aspuneari: 2009-09-30 14:18 EET Print
Banca Naţională ali Românii u asacădzu, aieri, cu 0,5 puncti proţentuali rata a toclui di politică monetară, la 8% pi an, ti a ţinţea oară tu 2009. Deţizia eara aştiptată di majoritatea a analiştilor financiari, câţe proţeslu di ascădeari ali inflaţiei, cari agiumsi sum 5%, si ânvârtuşeadză. Di altă parti, BNR apufusi ţânearea pi idyiul nivel, di 15%, respectiv 30% a ratilor a rezervilor minimi obligatorii la pasivili tu lei şi valută. Ascădearea a ratăl’ei a toclui – cl’eai prindi s-aducă dupu ea ascâderi a toclui ţi-l l’ia instituţiili instituţiili di credit, cama mări la depoziti şi ma n’iţ temperati la crediti, ama până tora aestu lucru nu s-feaţi, una di itii hiinda instabilitatea icunomică, dzâcu experţâl’i. El’i dzâcu că banchili comerciali li ţânu tocurli mări câţe prindi s-aproachi riscuri ma mări, tu condiţiili tu cari s-aşteaptă ună crişteari semnificativa a somajului, şi unăoară cu aestu şi numirlu a român’ilor cari nu mata va s-poată ş-li pâltească creditili. Dilerl’i dzâcu că, tu aestu momentu, nai ma vulnerabili suntu creditli di consum tu moneda naţională cari fură dati tu an’il’i ditu soni, fârâ garanţii ică cu garanţii minimi, şi iu toclu agiumsi ş-pân di 24% tu anu. Pi di altă parti, aprecierea ali monedă naţională ditu chirolu dit soni, agiunsă la un nivel maxim tu patru meşi, easti luyursită di analiştil’i financiari di itia a intraril’ei tu rezervili a Bancălei Chentrală defturăl’ei tranşă, di 1,8 miliardi di euro, di la Fondul Monetar Internaţional. Cu tuti aesti, BNR deadi hăbari că va s-monitorizează cu angătanu evoluţiili interni şi externi aşi că pit hâlăţli ţi li ari s-asiguripsească stabilitatea finaciară. Analiştil’i luyursescu că la yinitoarea şedinţă a BNR ditu meslu brumar, aestă va s-apufusească ună nauă ascădeari a toclui-cl’iaie, a curi efecti va să s-veadă pi păzari tăs câtă işita a anlui ică tu ahurhita al 2010. Deţizia BNR di ascădeari a toclui cl’iaie şi consecinţili aiştei misură suntu comentati şi di presă. Ziarul Finaciar bagă oară că: ''Toclu lipsea s-hibă ma nghios. BNR nu ari spaţiu di manevră''. Explicaţia a lor - aestă marjă easti condiţionată di coerenţa ali politică fiscal-bugetară a guvernului, cari, maca nu va s-poată s-agiungă la scupadzl’i apufusiţ tu acăchisearea cu FMI va s-aducă mări presiun’i pisti cursul di alâxeari. Şi aţel’i di la Evenimentul Zilei scotu tu migdani că: '' Leulu vârtos poati s-lândzâdzască ' di gripă' la iarnă'' şi ş-lu spuni schepticismul andicra di yinitorlu ali monedă naţională, cu tut trendul pi crişteari a leului tu chirolu ditu soni. Autor: Andreea Bojoi Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International