Radio Romania International

Arhiva :

Festivallu George Enescu tu bitisită
(2009-09-28)
Atea dit soni aspuneari: 2009-09-28 13:26 EET Print
A 19-a ediţii a Festivallui şi Concursului International ‘Georgi Enescu’, ţi ţânu chiro di 28 di dzâli, Bucureşti şi tu alţâ câsâbadz ditu Romanie, s-bitisi. Ânchisită tu 1958 ti tin’isearea a marilui compozitor român, manifestarea fu dânâsită tu 1971 di reghimlu comunistu di Bucureşti. După surparea a reghimlui, tu andreu 1989, festivallu ânchisi diznou. Evenimentul, organizat ună oară la doi an’i, di Ministerlu a Culturăl’ei, tu colaborari cu Societatea Română di Radio, Televiziunea Română şi Institutlu Cultural Român, s-ţâni sum analtul patronaj a Prezidentului ali Românie. Directorlu artistic a Festivallui fu ş-aestă aradhă leghendarlu director ali Operă di Stat di Viena, românlu Ioan Holander. Chiro di aproapea unu mesu di dzăli s-ţânură ma multu di una sută di conţerti simfoniţi şi camerali, recitaluri, dati di numi avdzâti tu lumea a muzicăl’ei clasică internatională, coruri, formaţii, orchestri naţionali ică di cameră. Tutunăoară, tu Festival, luyursitu unu di nai ma importantili şi pi ni nivelu di nai ma analtili ditu lumi, s-ţânură şi spectacoli di operă şi balet, cum şi ună expoziţie di arti plastiţî. Tu chirolu a festivallui s-ţânu şi concursul di creaţie şi interpretari. Amintătorl’i a aţilor 3 secţiun’i: vioară, pian si compoziţie – fură : polonezlu Nadrzycki Jaroslaw, Tebenikhin Amir, di Kazakhstan, şi respectiv Qian Shen-Ying, di China. Directorlu executiv al festivallui, Mihai Constantinescu, luyurseaşti că prezenţa la festival a nâscântor personalităţ di prota thesi ditu cultura mondială feaţi ca manifestarea s-aibă un ecou internaţional tut ma mari. Mihai Constantinescu: Luyursescu că aestu festival faţi parti dit ună strategie culturală, ţi lipaseaşti s-u aibă România tu aestru momentu. Dit unu punctu di videari aestă ediţie di tora fu pi unu nivelu ma analtu di aţeali di ma ninti, câţe ş- la ediţiili di ma ninti au vinită mări numi ali artă interpretativă, mări orchestri, ama estan numirlu a participanţâlor criscu multu. Tu 1958 viniră la festival dauă-trei orchestri ş-tora agiunsim 13 di orchestri internaţionali cu numi multu importanti pi sţena internaţională. Maria Ţoghină, prezidentu director general al SRR , co- producator ali manifestari, sumcundil’ie rollu a radioului public tu aestu Festival. Maria Ţoghină: Radio Romania deadi ti ascultători 59 di conţerti şi recitaluri pi yiu, la Radio Romania Muzical şi Radio Romania Cultural. Ma multu di şapti miliun’i di român’i ânviţară di la Radio Romania ţi s-feaţi estan la Festivallu "George Enescu". Him siguri că pisti doi an’i ş-ma mulţâ român’i va s-ânveaţă tut di la Radio România că Festivallu "George Enescu’’ s-duţi ninti. Apridutearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International