Radio Romania International

Arhiva :

Normalizarea a relaţiilor Bucureşti- Chişinău
(2009-09-24)
Atea dit soni aspuneari: 2009-09-24 13:59 EET Print
“Romania va să s- bată ti pâzârăpsearea a unăl’ei nauă acăchiseari di asocieri anamisa di R.Moldova si UE” declara, n’ercuri, Chişinău, prezidentul ali Comisie ti politica cu xeanili a Senatlui ali României, Titus Corlăţean. Easti zborlu ti prota vizită a unui oficial român pi ipotisi analtă după alidzerli parlamentari ditu aestu stat ma ninti sovietic viţin cu România şi populat majoritar cu etniţ român’i. Alidzeri cari adusiră surparea a comuniştilor ţi eara la puteari di optu an’i. Alâxearea ali situaţie s-feaţi cu zori, cu repetarea a scrutinlui şi cu manifestaţii preşcavi pi sucăchi. Ambiguitatea a aiştui momentu di stăvrândoan’ie, ti cari ari nica multi seamni di ântribari, fu ufilisită di aţel di ma ninti prezidentu comunistu, Vladimir Voronin, ta s-arupă ligăturli diplomatiţi cu Romania, a curi âl’i bâgă stepsu că taha s-meastică tu lucurlu dinuntru ali Moldovă, şi bâgă reghimlu di vizi ti cetăţen’il’i român’i. Unăoară ânchisită alâxearea di puteari postelectorală, cari va sâ s-bitisească cu yinearea la puteari unu nou guvernu adrat di miniştril’i ţi facu parti di aţeali 4 partidi parlamentari nicomunisti şi cu alidzearea a prezidentului ali vâsilie, pân di 11 di brumaru, ligăturli anamisa di Romania şi R Moldova au şansa sâ s-toarnă la normal. Easti aţea ţi scoasi tu migdani şi Titus Corlătean, ti cari prota jgl’ioată, darea nanaparti a reghimlui di vizi ti român’i, fu adrată. Prit aestă deţizii a prezidentului interimar nicomunistu, Mihai Ghimpu, fu datu nanaparti şi âmbodyiul di pi calea a dialoglui ali Moldovă cu UE, aestă hiinda ună di condiţiili a Consilului UE ta s-poată s-ânchisească pâzârâpseri cu Chişinăulu ti ună acăchiseari di asocieri. Noulu premier democrat, Vladimir Filat, dzâsi că tora tu relaţia bilaterală cu Romania, va să s-facă simnarea ali Convenţie-cadru mutrinda n’iclu trafic di sinur şi dişcl’idearea di nali consulati. Aşi, va s-hibă dişcl’isi consulati româneşti la Cahul şi la Bălţi tu R.Moldova cum şi un consulat moldovean Iasi (Romania), tu condiţiili tu cari inaugurarea aiştor eara amânată sine-die di putearea comunistă. tutunăoară, meslu ţi yini, misiun’ili diplomatiţi a dauălor vâsilii di la Bucureşti şi Chişinău va s-aibă ambasadori. Tut ca ună protă mărtirie a dizgl’iţaril’ei a ligăturlor bilaterali, Bucureştiul va s-flexibilizează, până la intrarea tu Spaţiul Schengen, loarea a vizilor di cetăţen’il’i ali R.Moldova prit darea nanaparti obligativitatea di prezentari a extrasului di contu di minim 500 di euro ti călătoriili tu Românie. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International