Radio Romania International

Arhiva :

Fonduri di la Fondul Monetar Internaţional
(2009-09-23)
Atea dit soni aspuneari: 2009-09-23 12:20 EET Print
Fondul Monetar Internaţional ari aprobată, martsă, pitriţearea a defturăl’ei tranşă a âmprumutului cătă Romania, ţi faţi 1,8 miliardi di euro, şi aduţi acutotalu a pălterlor cătă Bucureşti la 6,6 miliardi di euro. Ună parti din sumă va să s-ducă tu conturli a Băncăl’ei Naţională, iara ună altă parti tu contul a ministerlui di Finanţi, ti păltearea a pensiilor şi a tin’iilor di cafi mesu. Reprezentantul ali României la FMI, Mihai Tănăsescu, explica ţi condiţii implică aprobarea a nauăl’ei tranşă a împrumutului: „Duţearea ninti a reformilor structurali, em aţeali tu dumenea ali administraţie publică chentrală şi locală, pi nivelul a colectivităţlor locali, a întreprinderilor di stat, cari s-ducă, tu an’il’i ţi yini, la ascădearea a chiardirlor cari s-au înreghistrată până tora şi, sigura, la ună disponibilizari di fonduri cătă segmenti cari creează valoari adăvgată ma importantă, cum suntu investiţiili tu infrastructura educaţională, di sănătate”. FMI lo tu isapi, tu discuţiili ti darea aiştei tranşă, politiţli fiscali şi stabilitatea a sistemlui financiar românescu. Mihai Tănăsescu: „Altu aspectu cari fu zburăt eara ligat di sustenabilitatea a politiţlor fiscali, aestu lucru hiinda multu importantu ti angajamentul pi cari România şi lu-ari loata em andicra di UE, em andicra di FMI, ca la işita a anlui 2011 s- poată s-agiungă la ună xichi fiscală di maximum 3% ditu PIB. Ti aţea easti ananghi ca tu an’il’i ţi yinu 2010-2011, să s-facă ca dealithea reformi sânâtoasi, cari s-agiută la bâgarea pi aradhă a hărgiuierlor publiţi, la ună reprioritizari a aiştor, ama şi la ună ma bună şi ma hâitlâtică abordari şi hârgiuiari a pârălui public. Altu elementu mutri turlia cum sistemlu financiar român easti ândreptu ază. Să spusi multu limbid că elu easti stabil, easti sânâtosu, easti profitabil, ama că reforma a sistemlui işişi, pi nivel global, aduţi tu aestu momentu ună atitudini cama rezervată a aiştui andicra di piricl’iuri”. Şeflu ali delegaţiei FMI tu Românie, Jeffrey Franks, dzâsi că hărgili publiţi cu tin’iili di cafi mesu a lucrătorlor au reprezentată nai ma marea alatusi a autorităţlor di Bucureşti, câţe aesti criscură tu an’il’i ditu soni di la 6 la 9,5% ditu Productul Internu Brut. El dzâsi ama că autorităţli româneşti au tu scupo alâxearea a sistemlui di salarizari ditu sectorlu public şi ascădearea a numirului a funcţionarlor publiţ, aşi că hărgili cu tin’iili di cafi mesu s-ascadă pân di 7% dit PIB. Misiunea a FMI va s-yină tu Românie ti ună nauă igseari ali acăchiseari stand-by tu işita a meslui sumedru ică ahurhita a meslui brumaru. Acăchisearea di finanţari cu FMI, apărţâtă pi optu tranşi, şi tindi pi 24 di meşi şi ari ună valoari acutotalui di 12,5 miliardi di euro. El faţi parti dit ună pachetă di finanţari externă la cari participă şi UE, Banca Mondiala şi BERD, cari agiundzi la aproapea 20 miliardi di euro. Autor: Daniela Stefanescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International