Radio Romania International

Arhiva :

Lucărli di prota thesi tră executivlu di Bucureşti – 07.05.2012
(2012-05-07)
Atea dit soni aspuneari: 2012-05-10 11:45 EET Print
Năulu executiv român cumândusitu di social-democratlu Victor Ponta ş-lo borgea susto tra s-li ducă ninti reformili şi politiţli macroeconomiţi. Ponta părăstisi lucărli di prota thesi a guvernului USL – suţata adrată dit PSD, PNL si PC - ntră cari, depolitizarea administraţil’ei publiţi, dişcl’idearea locuri di lucru, tin’isearea a angajamentilor externi, avigl’earea a resursilor naturali a vâsiliil’ei şi toleranţă zero andicra di aruşfeti. Tru program nu suntu pruvidzuti alăxeri di taxi şi impoziti. Tutunâoarâ, năulu executiv ş-pripuni unâ crişteari cabaia mari a ratâl’ei ti amintari tră fondurli europeani. Tru aţea ţi mutreaşti politica externă, ari vrearea ti ună dezvoltari şi unâ anvărtuşeari a profilui ali Românie tru UE şi NATO ama şi promovarea şi andruparea a nădiilor di integrari europeană ali Rip. Moldova viţinâ. Năulu guvernu tâxi aduţearea tu scara di ma nâinti a tin’iilor di cafi mes tră bugetari, ţi furâ n’icşurati tru 2010, şi darea nâpoi a nâscântor pâradz ţi furâ dânâsiţ paranom dit pensii. Victor Ponta: “Scupadzl’i di thimel’iu a năului guvern mutrindalui tin’iili di cafi mes şi pensiili suntu aprucheati di FMI. Minduescu că român’il’i vidzurâ cabaia tru chirolu dit soni tâxerli ninti tra s-agiungă la guvernari, cari deapoa nu furâ tin’isiti. Ma s-ahurhim guvernarea USL prit ţânearea ma largu a nâscântor tâxeri di thimel’iu, easti zori s-minduescu ti unâ ahurhitâ ma bunâ şi un purtaticu ma tin’isitu di partea a noastră.” Lucurlu fu acâţat tru moeabeti cu reprezentanţâl’ii a Fondului Monetar Internaţional, ali Comisie Europeani şi a Bancâl’ei Mondiali, ţi suntu viniţ Bucuresti. Dupâ ndauâ dzâli di pâzârâpseri fârâ acumtin, aeşţâ apruchearâ unâ crişteari a tin’iilor di cafi mes tru sectorul public, prit unâ crişteari a deficitlui bugetar. Si prezidentul Traian Băsescu spusi dupâ andamusea cu reprezntanţăl’I a aţilor trei instituţii ţi da mpărmuturi câ andrupaşti criştearea a tin’iilor di cafi mes a bugetarlor cari va s-aducâ amintatiţi ş-ma mări la fondurile de pensii şi de sănătate. Traian Băsescu: “Andrupâscu turnarea la tin’iili di cafi mes dit chirolu di ma ninti dimec nâinti di n’icşurărli fapti, lucru ţi lu feciu cânâscut şi a Fondului şi a aţilui di ma năinti guvernu şi la misiunea a Fondului dit yinar-şcurtu anlu aestu ş-tru Parlamentul ali Românie şi a năului guvern. A prim-ministurlui âl’I feci cânâscut aestâ minduitâ şi aestâ borgi ti u avem andicra di lucrătorl’I bugetari. Criştearea a tin’iilor di cafi mes nu ndreadzi niţi unâ turlie di deficit structural criscut la fondul di sănătati şi la fondul di pensii.” Tru minduita a şeflui a statlui, aestă apofasi va s-aducâ şi unâ lişoarâ crişteari a consumlui internu. Textul: Mihai Apriduţearea: Taşcu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International