Radio Romania International

Arhiva :

Ligăturli româno-italieani
(2009-09-17)
Atea dit soni aspuneari: 2009-09-17 14:29 EET Print
Cooperarea icunomică şi catandisea ali comunitati românească ditu Italii fură prinţipalili subiecti a discuţiilor di Roma anamisa di premierlu român Emil Boc şi omologlu a lui italian, Silvio Berlusconi, cari mutriră şi parteneriatlu strateghic bilateral, tu condiţiili tu cari ligăturli diplomatiţi româno-italieni umplu estan 130 di an’i. Boc câftă a şeflui a executivlui italian s-da nanaparti restricţiili di pi pâzarea a lucrului ti lucratorl’i român’i. Bucureştiul ari ună ligătură ahoryea cu Roma, di punctu di videari icunomic, social, politic şi cultural şi easti interesat di duţearea ninti a investiţiilor italieni tu Romanie - declară premierlu Boc, ţi feaţi timbihi că nâscânti cazuri aoa ş-aclo di criminalitati nu prindi ş-u mbudyiusească aestă colaborari. Emil Boc :'' Avem tuţ toleranţă zero andicra di infracţionalitatie. Infracţionalitatea nu ari cetăţenie, ş-cazurli individuali di infractionalitati nu pot şi nu lipseaşti s-hibă teasi şi generalizati pi nivellu a unăl’ei întreagă comunitati''. Premierlu Silvio Berlusconi bâgă acţentu pi componenta icunomică a discuţiilor: ''Tu aţea ţi mutreaşti emburlăchea di dauăli părţă, Italia easti defturlu partener ali României şi pistipsescu că putem ş-u criştemu aesta bună colaborari anamisa di dauăli vâsilii cu agiutorlu a nâscântor intreprinderi mări ditu Italie, cum suntu Enel ică Ansaldo, cari suntu specializati tu sectorlu ali energhie''. Ti duţearea ninti a proiectilor ahurhiti şi dezvoltarea a ligăturlor bilaterali s-lo apofasea ca tu ahurhita a anlui ţi yini s-hibă organizat Bucureşti doilu summit interguvernamental romano-italian. Şeflu a Guvernului di Bucuresti s-andâmusi şi cu reprezentanţâ a comunitatil’ei romanească ditu Italie, cari misură ma multu di 1 miliuni di persoani. Fură zburâti problemili ligati di contracti si legislaţie, ananghea a cursurlor di limba română, promovarea a ândrepturlor a lucrătorlor romăn’i, cum şi actili di discriminari şi prezentarea negativă a român’ilor tu presa italiană. Sâ zburâ ş-ti problema a serviciilor consulari, ţi nu au personal şi spaţii cât lipseaşti. Român’il’i ditu Italie câftară şi dişcl’idearea unu nou consulat Padova. Cum s-dusi vizita a şeflui a Executivlui di Bucureşti tu Italie? Secretarlu a Partidlui a Român’ilor ditu Italie, Mihai Munteanu : '' Mini va s-dzâcu că fu importantă maş tu momentul cându va s-videm hăiri di ea. Fură zburâti problemi, minduiescu mini, importanti ali dzuuă şi avemu nădie că speranţa nu va s-moară ''. Autor: Mihai Pelin Apriduearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International