Radio Romania International

Arhiva :

Triplă giuiapi ti guvernul român
(2009-09-16)
Atea dit soni aspuneari: 2009-09-16 13:30 EET Print
Guvernul di Bucuresti dzâs tu Parlament că ş-li l’ia piguşi nomurli ali educaţie, ali salarizari unitară şi a reorganizaril’ei a agenţiilor di stat. Premierlu Emil Boc dzâsi dinitea a Camerlor reuniti a Parlamentului, că prit trili nomuri executivlu ari tu scupo reformarea a instituţiilor a statlui. Elu feaţi timbihi că PD-L şi PSD ţi suntu la guvernari au dauă obiectivi fundamentalie: ascăparea di efectili a crizăl’ei icuonomică şi reformarea a statlui. Boc dzâsi ş-că accentul tu educaţie va s-hibă băgaţu pi competenţi şi pi evaluarea a elevilor, pi flexibilizarea ali programă di ânveţu şi pi deschentralizari: „La baza a proiectului di nom cari mutreaşti educaţia naţională şedu Pactul naţional ti educaţie şi strategia ali educaţie şi cercetari ti societatea ali cunuşteari, dauăli documenti asumati tu programlu di guvernar”. Pi di altă parti, Boc dzâsi că proiectul di nom mutrinda salarizarea a personallui bugetar bagă aradhă tu sistem şi aduţi echitati anasmisa di profesii: „Aestu proiectu di nom nu easti9 pi chefea a aţilor ţi va s-cgeară născănti ifculii, ama ştim tutu ahât ghini că aestu nom prindi s-hibă ti 22 di miliun’i di român’i”. Prit proiectul di nom mutrinda reorganizarea a nâscântor autorităţ şi instituţii va s-armână la buget vârâ 900 di miliun’i di lei (vârâ 215 miliun’i euro), ama va s-hibă scoşi di pi lucru vârâ 8 n’il’i di inşii. Emil Boc: „Proiectul di nom pripuni nali nomuri tu scupolu învârtuşaril’ei ali disciplină financiară şi ascâdearil’ei a hărgilor, maxusu a aţilor di personal, pi nivelu a regiilor autonomi, a companiilor naţionali şi a societăţlor comerciali cu capital di stat”. Partidlu Naţional Liberal (opoziţie), niifhăristisit di proiectul di nom mutrinda salarizarea unitară, deadi hâbari câ va s-bagă ună motiuni di cenzură, pi cari u ndrupaşti şi Uniunea Democrată Maghiară ditun Românie (di opoziţie). Tu chirolu ali şedinţă tu cari guvernul dzâsi că ş-l’ia pi guşi treli pacheti di nomuri, ma multu di ună n’il’ie di sindicalişti ditu înviţămintu, sănătate, administraţie publică, poliţie au pichetat Pălatea a tu ună grevă di ună dzuuă tu ahurhita a meslui sumedru. “Loari pi guşi cu şuirături,” ângrâpseaşti jurnalu Ziua, iara Cotidianul bagă oară că: “La parlamentu: Dzuuă di dzuuă huneră politică...” Romania libera titrează: “Trei nomuri cari au aspâreată Romania”, iara jurnalu Financiarul ângrâpseaşti că Emil Boc şi lo pi guşi nâscânti nomuri cunuscuti maş di elu şi dzâţi că niţi PSD (partenerlu la co-guvernari) si niţi sindicatili nu au tu mână ti mutreari forma finală a aţilor trei proiecti di nom. Autor: Daniela Ştefănescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International