Radio Romania International

Arhiva :

Turismul românescu şi “mearili di malâmâ”
(2009-09-15)
Atea dit soni aspuneari: 2009-09-15 12:49 EET Print
România lo premiili "Merlu di malâmâ", ţi suntu idyea cu Oscarlu tru turismu, di partea a Federaţiil’ei Internaţionali a Jurnaliştilor şi a Scriitorlor dit Turismu. Distincţiili s-deadiră tră Rezervaţia Biosfera a Deltăl’ei a Dunăl’ei (acaţată tu isapea a patrimoniului UNESCO), Zona eco-turistica Mărdzin’ili a Sibiului (dit Transilvania) şi ti compania aeriană Blue Air, a deapoa tin’isearea cu aţeali trei 'Meari di Malămă' s-feaţi Sălişte, capitala a Mărdznimil’ei a Sibiului, luyursită di cătră Forbes Magazine ”naima muşeata reghiuni ecoturistică dit lumi”. Ministurlu român a Turismului, Elena Udrea, spusi că aestă dumeni poati s-agiută naima multu economia românească tu chiro di criză, prit dişcl’idearea năi locuri di lucru, ama şi amintatiţi la bugetlu di stat şi bugetili locali. Mărdzinimea a Sibiului easti pricunuscută prit muşuteaţa a locurlor şi a adeţlor ţănuti cu tin’ii tu aesti nicuchirati di vecl’i picurari. Naima avdzăta hoară dit Mărdzinimi easti Sibielul, iu easti andreaptu şi naima marli muzeu di icoani pi geami dit Europa, cama di 700 di icoani vecl’i, iu agroturismul s-faţi nica di aoa şi patru dechenii şi iu suntu tu lucru cama di 30 di pensiun’i. Delta a Dunăl’ei ciudusi prit biodiversitatea tu scară analtă. Şingirlu cu len turlii di locuri ti bănaticu, dizvultati tru Rezervaţie easti naima diversificat dit România, ţi apănghiseaşti ună mari varietati di comunităţ di planti şi prăvdză a curi numir fu luyursitu ti cama di 5.300 di cişiti. Nica să spunem că trofeulu "Merlu di Malămă" s-da di aproapea patru dechenii a unei văsilie, organizaţii, reghiuni ică personalităţ ţi adusiră hăiri ti dizvultarea turistică. Easti ti prota oară, ama, cându Federaţia Internaţională a Jurnaliştilor şi Scriitorlor dit Turismu da trei premii, tu idyiul an, maş a unăl’ei văsilie. România nica ari şi un altu trofeu "Merlu di malâmâ", ţi lu-ari loată tru anlu 1975 ti mânăstirurli dit Bucovina. Tu aestu chiro cu, patru trofee dit 41, ţi s-deadiră nica dit 1971, România easti pi protlu loc, deadun cu Belgia şi Spania, anamisa di naima premiatili locuri turistiţi. Premiili „Merlu di Malâmâ” nu au preacl’e, hiindalui adrati cu măna, di un artistu american. Tutunăoară, thimeal’ili di marmur suntu tăl’eati cu măna dit ună carieră dit Mexic, deapoa pilichisiti tu SUA, iu nica şi s-băgară tu căpachi, Los Angeles. Năuntrul a „mearilor” di crustal ari malămă di 24 di karati, ţi suntu tu ună avlachi speţială, aţea turlii că filigramea di malamă s-nu ş-cheară nyilicearea ică să ş-alăxească hroma. Textul: Daniela Ştefănescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International