Radio Romania International

Arhiva :

Anchisita a noului an şcolar
(2009-09-14)
Atea dit soni aspuneari: 2009-09-14 14:20 EET Print
Tu Romanii ahurhi un nou an şcolar. Vârâ trei miliun’i di elevi s-toarnă tu săl’iurli di clasă, ţicara că şcolili si alumtă, cum fu tu an’il’i di ma ninti, cu problemi ligati di lucrări di reabilitari şi di autorizaţii sanitari. Di aţeali vârâ 22 di n’il’i di şcoli, 4.600 nu au autorizaţie sanitară. Bucuresti, 57 di unităţ şcolari suntu nica şantier. Tutunâoară, 80 di unităţ ditu învîţămintul preuniversitar, di aţeali 457 existenti tu capitală, nu au autorizaţie sanitară. Ună altă problemă cari da băteri di cap a părinţâlor, cum ş-ma ninti an, easti xichea di locuri tu gârdiniţi. La cari si adavgă xichea a manualilor ditu librării. Itia? Editurli nu mata avură pâradz s-li tipusească, câţe fondurli alocati di minister au şcădzută di trei ori andicra di anlu ţi tricu. Noul an şcolar nu vini fără nali. Ahurheaşti anul şcolar a mărlor alâxeri – titrează jurnalu ADEVARUL, cari bagă oară că tu loc di testili naţionali di pânâ tora, elevl’i ditu clasa a VIII a– va s-da exameni di turlie internaţională. Tutunâoară, cu tuti că examenlu di bacalaureat s-licşură, câţe numirlu a probilor armasi la trei, elevii lipseasi tora, pi parcursul a anlui, s-aminta trei certificati - dauă di competenţă lingvistică şi unu ti ufilisearea a calculatorlui. Tu idyiul chiro, ahurhita a noului an şcolar aduţi tu prota tesi ncâcerli mutrinda proiecti a nomurlor ali educaţie şi ali salarizari unică. Cadrili didactiţi sunt niifhăristisiti di tin’iili di cafi mesu ţi li pruveadi grila di salarizari tricută tu proiectul di nom şi fac timbihi că va s-iasă pi sucăchi di deftura dzuuă di şcoală. Festivităţli di nou an şcolar, boicotati di dascali – ângrăpseaşti ROMANIA LIBERA. Federaţia ali Educaţie Natională lâ pripusi a membrilor a l’ei di sindicat să-şi l’ia libir tu prota dzuuă di şcoală, după modellu a politicien’ilor cari nu va să s-ducă la Parlamentu căţe s-ducu la festivităţili di ahurhită di an şcolar. Pi di altă parti, trei parti di şcoli nu tin’isescu normili sanitari, ngrâpseaşti GANDUL, cari scoati tu migdani că, tu nâscânti localităţi, elevl’i va s-ânveată tu duchen’i şi muzei. Idyea publicaţie notează că unu di 5 elevi abandonează sculia ş-că Romania acaţă loclu ninti di soni tu Europa tu ţi mutreaşti participarea la tuti nivelurli di educaţie. Aproapea 50% di absolventâl’i di liceu nu au diploma di bacalaureat, iara 16% di şcolarl’i di a IV – a nu pot s-acâchisească un text scriat. Dimi, ţifri ti lâhtari ti unu ânveţu ţi , di 20 di an’i, easti tu unu experimentu fârâ bitisită. Autor: Leyla Cheamil Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International