Radio Romania International

Arhiva :

Nomuri cu responsabilitati
(2009-09-04)
Atea dit soni aspuneari: 2009-09-04 13:38 EET Print
Procedural, s-intrat pi linii dreaptă. Cartea prit cari Guvernul di Bucureşti şi spuni naetea ş-u l’ia arăspundearea ti proiectili a nomlui legii unic di salarizari tu sectorlu bugetar, ali restructurari a aparatlui di stat şi ti nomlu ali educaţie agiunsi tu Parlamentu. Premierlu Emil Boc preţiză că, atunţea căndu feaţi nomlu ali salarizari, Guvernul lo tu isapi poziţia a sindicatilor şi a patronatilor: “Aestu nom poati easti bunu, căţe va s-da nanaparti tuti niândriptăţli ditu sistem. Easti zori, ca dealithea, s-hibă pi chefea a tutulor, cându pâradzl’i suntu ahânţâ cât suntu, ama voiu s-vă spunu căampârţarea a pâradzlor easti pi ândriptati şi l’ia ti isapi aţeali dauă principii mări, ţi li am spusă: vârnu nu cheari, prit bâgarea tu practichie a noului nom, di amintaticlu ţi lu-ari tora şi va s-amână cu aţea ţi au, inclusiv aţel’i ditu justiţie. Va s-avemu maş unu nom ali salarizari unică, şi ti aţea avemu avută şi avemu tută disponibilitatea ta s-azburâmu cu partenerl’i sociali, căţe aestu proţes a adraril’ei di nomuri fu multu transparentu, şi nâ vidzumu di ma multi ori.” Sindicaliştil’i, ama nu suntu sinfun’i cu Boc şi fuvirsescu cu mitinguri di protestu. El’i suntu niifhăristisiţ tamam di nomlu ali salarizari şi spun că nu acâchisescu ayunia a Guvernului s-lu promovează prit loarea ali arăspunderi, cu tuti că va s-intra pi lucru tâş tu 2011. Viceprezidentul ali Confederaţie Sindicală Alfa, Petru Dandea: “Ari, ti amârtie, la multi categorii profesionali ditu sectolu public, dhiafurali salariale, a tin’iilor di cafi mesu, după instituţia ică sectorlu tu cari s-faţi activitatea. Noi pistipsim că normal easti ca treili acti normativi s-hibă alâsati ti zburari tu parlamentu, maxusu că, tu ţi mutreaşti nomlu ali salarizari nu him sinfun’i cu primlu ministru.” Tu ţi mutreaşti educaţia, noulu nom pruveadi că înviţămintul obligatoriu va s-hibă di 11 di an’i. Examenlu di bacalaureat va s-aibă trei probi. Statlu va s-dişcl’idă ti cafi unu ficiuricu, la amintari, un contu bancar, echivalentul ali sumă di 500 di euro, pâradz cari va s-poată s-hibă ufilisiţ maş tri ânveţu. Nomlu easti rezultatlu a nâscântor pâzârâpseri, ma multu politiţi di tehniţi, anamisa di aţeali dauă componenti ali coaliţie guvernamentală, dzeamin’il’i âncâceaţ PDL (pro-prezidenţial) şi PSD (stânga). El’i avea prota promovată proiecti nu maş concurenti, că şi divergenti, lucru ţi lu feaţi pi politologlu Cristian Pârvulescu s-bagă oară că “educaţia agiumsi prizoniera a interesilor politiţi pi chiro şcurtu.” Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International