|
|
| Liderlu ali UE, tru Parlamentul di Bucureşti – 2012.04.26 |
| (2012-04-26) |
| Atea dit soni aspuneari: 2012-04-30 22:31 EET |
Dupu şapti an’i di la simnarea, Luxemburg, a Tratatlui di aderari ali Românie la Uniunea Europeană, prezidentul a Consiliului European, Herman van Rompuy, feaţi unâ vizită Bucureşti. 'Nu putem s-minduim, azâ, unâ Uniuni Europeană fără România', spusi aestu, tru plenlu a Leghislativlui di Bucureşti. El zburâ ti criza economica ţi ahurhi aoa şi doi an’i şi adusi mări zn’ii a craturlor europeani. Prezidentul a Consiliului European cundil’e câ tra s-nu s-agiungâ tru yinitor la unâ ahtari crizâ di mari simasie easti ti statili ali UE s-ratificâ Pactul fiscal, a curi scupo easti anvârtuşearea a disţiplinâl’ei bugetarâ tru bloclu comunitar, şi ari nâdie că România va u facâ ntrâoarâ. Herman van Rompuy:
Unâ ratificari iruşi easti di simasie tora şi bag besâ ş-pi aestu Parlamentu tru aestâ noimâ. Va s-agiutâ ta s-nu s-agiungâ la nâscânti crizi cu borgi tru yinitor. Şi u spuni gaeretea a noastră politică tra s-ţânem cheptu şi ta sâ u nâstriţem criza di tora.” Rompuy spusi că UE da curayiu ca bugetili naţionali şi europeani s-aibâ tru prota thesi mehaniili di crişteari economicâ, cata cum investiţiili tru energhie şi infrastructura di transportu, inovaţie şi educaţie, iara România easti ascumbusitâ susto tra s-li aducâ aesti lucri di prota thesi tu arada a l’ei di lucru.
Guvernul di Bucureşti lipseaşti s-li reformeadzâ întreprinderli di stat, feaţi timbihi ufiţialu european, şi s-chiverniseascâ cama cu hâiri proţeslu di amintari a fondurlor comunitari, tra s-li nâstreacâ amânărli ţi s-feaţirâ tru aestu capitul. „Duţearea ma largu a alumtâl’ei contra ali aruşfeti nu easti maş unâ problemă economică, câ ş-aţel lucru ţi lipseaşti s-hibâ adrat tra s-creascâ competitivitatea şi tra s-aducâ investitori, tră societate tru ansamblulu a l’ei, tră unâ crişteari a sentimentului di justiţie şi di corectitudini", nica spusi prezidentul a Consiliului European. Un altu subiect acâţat tru isapi di Herman van Rompuy fu aderarea ali Românie la spaţiul di libiră urdinari Schengen, pruvidzută tru ahurhitâ tră marţu 2011, ama amânatâ ma multi ori arada. El ari nâdie că aestâ va s-facâ la toamnă:
Tuţ liderl’i european’i cundil’earâ, ma multi ori tru andamusili a noastri, că tuti condiţiili legali di aderari furâ tin’isiti. Tu aţea dit soni andamusi dit marţu, liderl’ii feaţirâ jgl’ioati ninti. Cândâsii Consiliul s-l’ia unâ apofasi tu ligâturâ cu aderarea ali Românie tru yismâciuni. Escu haristusit câ vâsilia a voastră l’ia iniţiativi tră criştearea a pistipsearil’ei tu aestu chiro, ti exemplu, tu dumenea ti vigl’earea a sinurlor şi cooperaril’ei poliţia. Aestu lucru va s-asiguripseascâ că România va s-agiung un punctu di intrari sigura tru zona Schengen”. Vâsiliili membri Schengen, ma puţân Olanda, apruchearâ unâ pripuniri franco-ghirmană di aderari tru ma multi hopi ali Românie şi Vârgârie la spaţiul di libiră urdinari, ahurhindalui cu dişcl’idearea a sinurlor aerieani.
Autor: Leyla Cheamil
Armânipsearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido