Radio Romania International

Arhiva :

Dzâlili ditu soni a comunismului tu Ripublica Moldova?
(2009-09-03)
Atea dit soni aspuneari: 2009-09-03 11:51 EET Print
“Revoluţia anticomunistă di Chişinău s-duţui ninti” – ângrâpseaşti hâriosu, tu jurnalu bucureştean 22, analistul Armand Goşu, după ţi actuala opoziţii pro-europeană ditu Ripublica Moldova (ex-sovietică, majoritar românofonă) putu s-lu bagă tu funcţia di prezidentu a Parlamentului pi liderlu liberal Mihai Ghimpu. Avocat, apărător a ândrepturlor a omlui, membru a minaril’ei di ridiştiptari naţională cari adusi tu 1991, proclamarea ali independenţă andicra di Moscova şi promotor fără complexi a apruchearil’ei di România viţină, Ghimpu tâxeaşti că va s-hibă cipitlu ali stăpugă ali dicomunizari. Noulu Parlamentu poati s-alâxească şeflu a Curtil’ei di Conturi, procurorlu gheneral, cum şi leghislaţia audiovizuală, aşi că televiziunea şi radioulu di stat s-nu mata hibă portaboţi a comuniştilor filoaruşi, ama servicii dealithea publiţi. Ma diparti, ama, ari nica multi ti adrari ta sâ s-facă Chişinău nu maş ună alâxeari di majoritati parlamentară, câ şi unâ di reghim. Coaliţia cvadripartită ari 53 ditu aţeali 101 mandati di deputaţ, cu maş 5 ma multu di comuniştii. Easti duri ta s-lu adară guvernul, ama nu şi s-bagă tu loclu a comunistului Vladimir Voronin un nou şef a statlui, ti a curi alidzeari ari ananghi nevoii di nica optu voturi. Tora di oară, după opt an’i di exercitari discreţionară a putearil’ei, Voronin şi spusi n’iercuri, nu demisia, câ maş naetea s-demisioneadză, ta sâ ş-facă lucurlu di deputat. Ti profesorlu Dan Dungaciu, specialistu pi spaţiul ex-sovietic: “Nu ari simasie ahât multu ţi videmu pi sţenă, ama desi prezidentul Voronin putu s-li amintă aţeali garanţii ţi tutu li caftă, cari să-l’i da izini s-fugă isih di la puteri şi tu aestu sensu pistipsescu că nă da tuti aesti mesaji mintiti, aestu easti protlu aspectu. Defturlu, Partidll Comunistu nu easti – ică nu mata easti ază - un tot unitar. Ari ună parti di membril’i a Partidlui Comunistu cari nu ţâni fârâ di altă s-armână la guvernari, cari poati s-bâneadză multu ghini şi tu opoziţie, maxusu aţea parti a partidului cari nu ari multi lucri s-cheară. El’i nu potu s-hibă aflaţ câbati, suntu aţel’i ditu deftura arădărichi, dimi nu aţel’i cari u mâcară n’earea cu ciubana. Aeştinica si alumtă cu aţel’i cari voru s-armână la puteari ică voru garanţii, ş-unu di el’i easti, fârâ di altă şi prezidentul Voronin.” Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International