Radio Romania International

Arhiva :

Concurs Festival George Enescu 2009
(2009-08-25)
Atea dit soni aspuneari: 2009-10-05 13:57 EET Print
Vruţ soţ, RRI vâ invitâ s-participaţ la un nău concursu cu premii, „Festival George Enescu 2009”. Un concursu consacrat (ahârzit) a ediţil’ei di anlu aestu, a 19-a, a Festivalului şi Concursului Internaţional ţi poartâ numa a aţilui cama cunoscutlu muzician român din tute timpurle. Vâ invitãm s-nâ rãspundeţ prin scrisori, prit faxu, prin e-mail şi puteţ s-amkintaţ, în funcţie di cât di interesante şi complexe va s-hibâ rãspunsurle a Dvs (Dumnil’ilor a voastre). Va-s existâ numiroase premii şi menţiun’i, în obiecte ligate di Enescu, di muzica simfonicâ româneascâ, ama şi di cultura românâ în sensul largu. . Concursul easte sponsorizat di S.C. ELECTRECORD S.A. şi di Regia Autonomâ “Monitorul Oficial” şi easte ndrupât di Editura “Casa Radio”. La 19 august 1881 si nãştea la Liveni, în judeţlu Botoşani, din nordul ali Românie, marle violonistu, compozitor, pianistu, dirijor şi pedagog George Enescu. Considerat unlu di aţel’i ma importanţâl’i muzician’i din prima giumitate a secolului XX, Enescu muri Paris la 4 di mai 1955. Festivalul şi Concursul Internaţional "George Enescu" fu înhiinţat în/tru 1958, ca semnu di pricunuşteare a gheniului a marilui a nostru compozitor. Ediţia di aest-an programeadzâ circa 80 di concerte şi spectacole, grupate pi genuri, cicluri şi teme: „Muzica româneascã a secolului XXI”, „Enescu şi contemporan’il’i a lui”, „Mări orchestre a lumil’ei”, „Concerte camerale”, „Concertile di la m’edzlu (giumitatea) a noaptilei”, „Spectacole di operâ şi balet”, „Teme clasiţe în prelucrãri moderne”. Festivalul va-s aibâ loc în perioada 30 di agustu - 26 di septembrie la Bucureşti. Pi afiş suntu, ca di aradâ, tricute nume multu mări, di anvergurâ (tindeare, anâlţime) mondialã, a muzicâl’ei cultâ. În paralel, Concursul „George Enescu” va sâ si disfâşoarâ (dizvârteascâ) pi 3 secţiun’i: pian, aviulie şi compoziţie. Suita simfonicâ Opus 1 „Poema Românã”, aţeale dauã Rapsodii Române (1901-1902), Poemul simfonic „Vox Maris” tră sopranã, tenor, horos şi orchestrã, Şapte Cântiţe pi versuri di Clément Marot, Suita Nr. 1 trâ orchestrâ, Suita trâ orchestrã Nr. 2, opera „Oedip” (singura a lui operâ, sâ spunem), Cvartetlu di coarde Nr. 2, Simfonia di Camerâ trâ 12 instrumente soliste, Suita a 3-a, “Sãteasca” (huryiteasca), Sonata a 3-a, în caractir popular românescu, trâ vioarã (aviulie) şi pian suntu aţeale ma cunoscutile creaţii enescieane. Enescu fu nu maşi violonistu, compozitor, pianistu şi dirijor, că şi pedagog, fu un mare profesor – lu-are formatâ pi Yehudi Menuhin, ama l’i-avu ca dischipol’i şi pi alţâ muzician’i cu numâ avdzâtâ, cum suntu românlu Dinu Lipatti, Ivry Gitlis, Christian Ferras, Ida Haendel, Arthur Grumiaux. Ca di aradâ, ama şi tra s-amintaţ un premiu ică unâ menţiune lipseaşte s-răspundeţ în scris, corectu şi complet, până la 30 septembrie, data a poştâl’ei, la ndauâ întribări: - Iu şi cându s-născu (s-feaţe) George Enescu? - Numiţ barim treie creaţii muzicale enesciane. - Pi ţi mit si bazeadzâ singura creaþie di operâ a compozitorlui român? - A câta ediþie a Festivalului Internaþional “George Enescu” are loc în aestu an? Vă paracâlsim s-nâ scriaţ şi aţea ţi vâ determinâ (vâ feaţe) s-participaţ la concursu. Coordonatile a noastre suntu nialâxite: Radio România Internaţional, str. G-ral Berthelot nr. 60-64, sector 1, Bucureşti, PO Box (Câsica poştalâ) 111, cod 010165, fax 00.40.21.319.05.62, e-mail: arom@rri.ro Aştiptăm răspunsurle a dvs. până la 30 septembrie 2009, data a poştâl’ei. Amintâtorl’i va-s hibâ anunţaţ tru a daua giumitate a meslui octombrie 2009. Succes! (Alecu Marciuc, Eugen Cojocariu) Armânipseare: H Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International