Radio Romania International

Arhiva :

Sindicatili si opoziţia critică misurli a Guvernlui
(2009-08-12)
Atea dit soni aspuneari: 2009-08-13 15:06 EET Print
Misurili di austeritati apufusiti di guvernul di coaliţie di Bucureşti cu reprezentanţâl’i a Fondului Monetar Internaţional, viniţ tu Romanie tu ună misiuni di evaluari icunomică, au bâgată pi jari em sindicatili, em partidili ditu opoziţie. El’i au tu scupo ascâdearea semnificativă a hargilor bugetari. Aşi, ahurhinda cu meslu yizmăciun, chiro di trei meşi, tuţ aţel’i 1,4 miliun’i di lucrători ditu sectorlu public va s-intră unu dupu alantu, 10 dzâli tu vacanţă nipâltită. Aestă apofasi va s-da izini, dzâţi ministrul di finanţi, Gheorghe Pogea, s-hibă icunumisiti vârâ 350 di miliun’i di euro. Alti misuri loati tu isapi suntu alâxearea a pâlterlor a oarilor suplimentari cu dzâli libiri, anularea a primilor ică ascădearea a programlui di lucru di la 8 la 6 sihăţ. Sindicatili şi opoziţia nu suntu sinfuni cu deţizia a guvernlui s-lă bagă zori a bugetarlor s- intră tu vacanţă fărâ plată. Liderlu a Sindicatului Sed Lex, Vasile Marica, feaţi timbihi că va s-caftă ndriptati la giudicată maca misura va s-hibă bâgată tu practichie, iar viceprezidentul Cartel Alfa, Octavian Luca, feaţi timbihi că executivlu nu poati s-bagă zori a functionarlor publiţ s- intră tu vacanţă fârâ plată tu fâră s-aibă ună acăchiseari ngrâpsită, avindalui tu videari că misura duţi la ascâdearea ali pensie. Deţizia compensaril’ei a sihăţlor suplimentari nu easti corecta câţe aesti s-facu la câftarea a angajatorului, nu a lucrătorlui– easti di păreari liderlu ali confederaţiei Cartel Alfa, Bogdan Hossu. Tu aradha a lui, viceprezidentul PNL (tu opozitie), Mariana Câmpeanu, pistipseaşti că aesti misuri suntu ună nauă mărtirie di iresponsabilitati di partea a guvernului, cari s-pari că faţi curbani dun’iaua ta s-u ţână vâsilia pi aradhă până după alidzerli prezidenţiali di toamnă. Presa di Bucuresti ângrâpseaşti pi largu di aestu subiectu. “Nai ma marea vacanţă colectivă ditu istorie: 210 n’il’i di bugetari şedu acasă cafi stâmână” – titrează ZIARUL FINANCIAR, cari notează că guvernul cari ari vâţutlu la os prindi s-facă nai ma serta reformă a aparatlui di stat. Tu aradha a lui, GANDUL da hâbari “Tu 2009 ş-tal’ie ditu tin’iili di cafi mesu, tu 2010 s-tal’ie ditu lucrători”. Jurnalu cama ngrâpseaşti că Executivlu tâxi că va s-n’icşureadză sertu numirlu di lucrători ditu sectorlu public, ama maş după alidzerli prezidenţiali. Câţe aesti misuri nivruti di dun’iauă? Câţe, dzãsi seflu a misiunil’ei FMI Bucuresti, Jeffrey Franks, vâsilia easti tu ună ascâdeari icunomică greauă 8 – 8,5% până la işita a anlui, diplo andicra di luyursearea di prota. România ari simnată cu FMI unâ acâchiseari di âmprumut pi doi an’i, ti vârâ 13 di miliardi di euro, ta s-treacă di criza icunomicâ. Autor: Leyla Cheamil Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International