Radio Romania International

Arhiva :

Jgl’ioati câtâ democratizarea ali Rip. Moldova
(2009-08-10)
Atea dit soni aspuneari: 2009-08-10 12:52 EET Print
Patruli partidi ali opozitie pro-ocidentală dit Rip. Moldova (ex sovietică, majoritar românofonă) au simnată unâ acâchiseari ti adrarea ună coaliţe di guvernari, 'Alianta ti Integrari Europeană'. Deţizia poati s-lu da di padi reghimlu comunistu, ţi easti la puteari di optu an’i. Opoziţia easti adrată Partidlu Liberal Democrat, Partidul Liberal, Alianţa Moldova Noastră Partidlu Democrat (di chentru). Aestu ditu soni intră tu Parlament maxus doxă al a noului a lui lider, Marian Lupu, ex-speaker a Leghislativlui di Chişinau şi cari ari demisionata dit Partidlu a Comuniştilor. Aţeali 4 formatiun’i au majoritatea tu Parlamentu dupu alidzerli anticipati di la di 29 alunaru, cu 53 di locuri dit acutotalu di 101, aşi că potu s-aleagă prezidentul a Legislativului şi premierlu, ti cari easti ananghi di 51 di voturi. Di altă parti ti alidzearea a şefului a statlui, altu di actualul prezidentu Vladimir Voronin, cari nu mata poati s-candideadză ti un nou mandat, easti ananghi di nai puţânu 61 di voturi. Alianţa nica ari ananghi tu aestu caz di nai puţân opt voturi pi cari comuniştil’i suntu hâzâri s-li da cu nâscănti condiţii. Liderl’i ali Alianţă deadiră hâbari că va s-ahurhească pâzârâpserli cu reprezentaţâl’i a comuniştilor după bitisearea ali vacanţă. Turnânda la documentul simnat di 4-li partidi s-vă spunemu că el includi obiectivili ali Coaliţie di guvernari. Tu plan internu aesti suntu: ândridzearea a statlui di dreptu, işearea ditu criza social-icunomică şi asiguripsearea crestearl’ei icunomicâ, deschentralizarea a putearil’ei şi asiguripsearea ali autonomie locală. Tu plan externu, priorităţli suntu pâzârâpsearea şi simnarea ali acâchiseari di asocieri cu UE, promovarea a parteneriatilor stratehiţi cu Rusia şi Statili Uniti, acâţarea diznou şi ânvârtuşearea a ligăturlor di bunã viţinată cu Ucraina şi România. Liderl’i ali Alianţă deadiră hâbari că dupu ţi va s-agiungă la puteari va lu da nanaparti reghimlu di vizi bâgatu a cetăţen’ilor român’i după scrutinlu leghislativ cu mintături dit 5 di apriir, amintat di comuniştii. Victoria aiştor, loată prit furlăchi dzâţi opoziţia, adusi atunţea protesti pi sucăchi şi prişcăvii, acâţarea a sediului ali Prezidenţie şi a Parlamentului, şi dupu eali viniră arestări abuzivi a nâscântor di demonstranţâ. Opozitia lu boicotă, dapoia, votlu dit Parlamentu ti alidzearea a noului şef al statlui, iara prezidentul tu exerciţiu vidzu zori s-lu dizolvă Leghislatilu şi s-facă alidzeri ninti di chiro. Autor: Andreea Bojoi Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International