Radio Romania International

Arhiva :

Împrumutlu di la FMI şi ieşirea din criză
(2009-08-07)
Atea dit soni aspuneari: 2009-08-07 13:17 EET Print
Banca Naţională ali României li alâxi pi scădeari prognozili di inflaţie ti 2009 şi 2010, di la 4,4 la 4,3% ti aestu an şi di la 2,8 la 2,6 proţenti ti anlu ţi yini. Guvernatorlu BNR, Mugur Isărescu, dzâsi că după proţl’i 6 meşi, singurli hărgi cari au criscută tu Romanie fură aţeali cu tin’iili di cafi mesu a lucrătorlor şi ti pârmâtii. El dzăsi că ari criscută tendinţa a dun’iauăl’ei ti icunumisiri şi hărgiuiarea scâdzu, ama creditarea va s-l’ia silă , căţe BNR nica va li ascadă rezervili minimi obligatorii constituiti di bănchili comerciali la dispoziţia ali Bancă Chentrală. Isărescu dzâsi ş-că, criştearea a accizilor la tătumi şi rigidităţli ali icunumie românească suntu factorl’i ţi u crescu inflaţia. Guvernatorlu declară că dhiafuraua anamisa di tin’iili di cafi mesu şi productivitati scădzu, după patru an’i di evoluţie inversă, fenomen ti cari dzâsi că aduţi hâiri şi preţiză că s-aşteaptă ca icunumia s-l’ia iara silă tu 2010, tu condiţiili ândridzeril’ei ali xichi cu xeanili, criştearil’ei ali productivitati şi a unăl’ei structură bugetară ghini minduită. Prezidentul Traian Basescu zburâ Bucureşti, cu reprezentanţâl’i a Fondului ti posibilitatea ca a doua parti ditu âmprumutlu contractat di Romania s-hibă pitricută câtâ bugetlu di stat, si nu câtă Banca Naţională, aşi cum să spusi prota. Experţâl’i ali instituţie au precizată că ună variantă ti ascâdearea a xichil’ei bugetară easti să s-facă ma puţâni crişteri a tin’iilor di cafi mesu şi nicşurarea a nâscântor hărgi. FMI easti hâzâri s-aproachi una xichi bugetară di până la 7,2% ditu PIB, iara partea românească ari sarţina s-li ascadă hărgili publiţi cu 0,9%, după ţi –spun experţâl’i- hărgili salariali tu dumena publică au agiunsă pi un nivel niesustenabil, di 9% din PIB. Fondul deadi hâbari că va sâ spună ma multă flexibilitati tu ligătura cu România şi adâvgă că naetea a lui easti s-da agiutor aşi că Bucurestiul s-li ndreagă nu maş problemili pi şcurtu chiro, ama s-bagă şi bazili ti ună relansari icunomică pi chiro di mesi şi lungu. Aţeali ditu soni evoluţii sunt scoasi tu migdani şi tu presa românească. „Guvernul şi BNR aproachi aţea ţi până tora eara ti niaprucheari: pâradzl’i di la FMI va li pâltească tin’iili di cafi mesu a bugetarlor ş-nu va s-ducă tu stoglu BNR” – ângrâpseaşti Ziarul Financiar. Cotidianul ângrâpseaşti sum titlu “Fâţeţ ţi vreţ cu pâradzl’i a noştri că România easti pi cali s-aducă ună premieră ali instituţie financiară internaţională tu ligătura cu Romania,. Evenimentul Zilei bagă oară că „pâradzl’i di la FMI fac guvernul cama linivosu”, iara Adevărul, că FMI “fu cl’imatu ta s-nă pâltească tin’iili di cafi mesu ”. Autor: Daniela Ştefănescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International