Radio Romania International

Arhiva :

Lăhtarea ti alăgarea dupu păradz
(2009-07-21)
Atea dit soni aspuneari: 2009-07-22 14:21 EET Print
Cu ună borgi publică cabaia mari tru proţl’i ţinţi meşi a anlui, ţi va s-dzăcă cu 10% andicra di bitisita a anlui 2008 şi fără s-aibă umuti ta s-iasă dit criză, Bucureştiul s-ndreadzi di năi moeabeţ cu Fondul Monetar Internaţional. Dupu acordulu stand-by simnat cu instituţia financiară internaţională, guvernul român ş-băgă tru plan ună ţintă di deficituixiche bugetară di 4,6% dit PIB ti aestu an. Ama izvuri ufiţiali spunea, tora ayon’a, că România va s-caftă criştearea a praglui la 5,5% dit PIB, tru condiţiile tru cari isăchili a Ministerlui a Finanţilor spunea ună rată di nibăgari tru lucru a amintatiţlor bugetari di aproapea 2% dit PIB. “România va s-aibă tru trimestrili 2 şi 3 ună scădeari economică ma mari andicra di aţea a protlui trimestru şi nu va s-poată s-tin’isească ţintili ti cari s-achicăsiră.” Timbihea fu faptă di reprezentantul român la FMI, Mihai Tănăsescu, tru condiţiile tru cari economia românească vidzu zorisă streasi, tru primlu trimestru, cu 4,6% andicra di trimestrul di ma năinti. Tora, FMI lucreadză la un nău cadru macroeconomic tră România, cari anticipeadză, ntră altili, ună n’icşurari cabaia mari ali economie ti aestu an di la 4,1%, prognoza di tora, la 7-8%. Tru idyiul chiro, autorităţli români caftă izvuri di păradz tra s-păltească a bugetarlor sporuri ti cari numata au păradz. Niifharistusiţ că lă si tăl’e sporlu di 50% ţi lă si dădea ti stress, magistraţl’ii feaţiră protestu şi ahurhiră tra s-dănăsească lucărlu tru casili di giudicată ti ndauă săhăţ ndzuuă. Ixichea di păradz feaţi tra să s-l’a meatri serti şi la Ministerlu ti Lucri di Năuntru. Păradzl’i ţi-l’i loa ta s-pătească nikea a casil’ei lucrătorl’i ţi nu au niţi ună casă tru cari să-şi dizvărtească lucărlu fură curmaţ. Tru idyiul chiro, oarili suplimentari, niplătiti dit ahurhita a anlui, va s-hibă alăxiti prit dzăli adyi. Nădiili ti yinitor suntu lăi, nu maş ti România. Firma di consultanţă KPMG, ti cari faţi alidzeari ZIARUL FINANCIAR, mindueaşti că “ prognozili ţi spunea un chiro greu nu fură acătati tru isapi căte, tru practică, lucărli imnară ti bună, ama nu şi aestă oară. Tu meşl’i dit soni s-feaţi ună alâxeari dramatică. Multu guverni di tută lumea va s-lipsească ntrăoară s-aibă economii. Aestă oară nu easti ună alarmă/timbihi falsă. Luplu dit pirmith chiola ş-vini”. Textul: Corina Cristea Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International