Radio Romania International

Arhiva :

Înviţamintul superior privat, tu atenţie
(2009-07-20)
Atea dit soni aspuneari: 2009-07-20 14:00 EET Print
Di aproapea dauă dechenii, di cându studenţâl’i avea organizată Bucureşti protesti-maraton contra ali puteari post-revoluţionarâ a curi âl’i bâga stepsu di neocomunismu, nu mata tânu bana universitară prim-planlu a disciţiilor politiţi şi prota frâă a jurnalilor româneşti. Detonatorlu fu tora hâbarea a ministrului ali Educaţie, Ecaterina Andronescu - diplomili dati la programili di studii niautorizati di nai ma marea universitati privată ditu vâsilie, "Spiru Haret", cumu ş-di alti instituţii particulari di înviţamintu superior, suntu nuli. Aesti potu s-hiba validati maş maca, tu un interval di 5 an’i, absolvenţâl’i da un examen di selecţie ş-dapoia da ş-promovează examenlu di licenţă tu ună universitati cu programlu di studii acreditat şi evaluat cu calificativlu "grad analtu di pisti". Misura eara di mari ananghi, câţe, dzâţea cotidianlu EVENIMENTUL ZILEI “aţeali ţi s-facu - şi nu di azâ, di aieri - la Spiru Haret antrecu iţi imaginaţie: licenţeli dati nal’iurea, examenili ţânuti ma multu prit baruri di tu săl’iurli di cursu”. Pi şcurtu, nica ngrâpseaşti jurnalu, sum cumândusearea a rectorlui Aurelian Bondrea, aieri comunistu intratabil, azâ practicant a capitalismului ayru, “la Spiru si intră ca la cabaret: pălteşti, hârgiuieşti şi fudz hârios acasă”. Previzibil, deţizia a doamnăl’ei Andronescu li ampârţâ apili. Pi di ună parti, nivrisită di impostura lucrativă di “Spiru Haret”, cari fuvirseaşti să aspargă numa ti ântreglu ânviţamintu superior românescu, lumea academică hiritisi ântroară campania di nâscârseari. Aşi, Consorţiul "Universitaria", adrat di nai ma avdzâtili universităţ di stat, nâscânti fundati nica ditun se.19, câftă ali clasă politicâ să ndrupască miăsurli "responsabili şi exigenti" loati di minister. "Făvriţli di diplomi cari s-au dezvoltată tu vâsilia a noastră suntu ună metodă di amintari pâradz prit fraudarea a publiclui, ună goadă morală greauă ti tinirami (a curi âlj da urnechi spiritlu amintaticlu paranom ş-ali superficialitati) şi ună mâryeari a imaghinil’ei ali Românie tu lumi, prit ghenerarea a nipistil’ei pi calificărli naţionali" – scoati tu migdani un comunicat ali organizaţie. Pi di altă, ama, lumea politică nu şi-a ascumsi nivrisearea. Işişi şeflu pi linie di partid a doamnăl’ei ministru, liderlu PSD Mircea Geoană, candidat la prezidenţialili din toamnă, âl’i bâgă stepsu că nu fu ntribatu. Câţe, ngrâpseaşti ROMÂNIA LIBERĂ, elu ari acăchisită că easti tu piricl’iu s-cheară “suti di n’il’i di voturi preţioasi”, ali “absolvenţilor psefţâ, cari acaţă funcţii cari nu lâ si cadu tu Guvernu, ministeri, primării, prefecturi, poliţie, ascheri, înviţămiântu” şi a familiilor cari lâ-au finanţată bovarismul academic. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International