Radio Romania International

Arhiva :

Ligăturli româno-italicheşti
(2009-07-08)
Atea dit soni aspuneari: 2009-07-08 15:14 EET Print
Romania şi Italia aducu aminti, anlu aestu, 130 di an’i di la nchisearea a ligăturlor diplomatiţi bilaterali. Vinitu Bucureşti ta s-participă la un forum di emburlăchi româno-italichescu, ministrul ti politica cu xeanili di Roma, ma ninti comisar european ti Justiţie, Franco Frattini, scoasi tu migdani convergenţa a opiniilor dauălor vâsilii mutrinda nâscânti dosari internationali şi reghionali. Aestu lucru lu cundil’ie şi omologlu a lui român, Cristian Diaconescu: “Nâ hârsimu cându vidzumu că, tu aţea ţi mutreaşti Balcan’il’i di Vestu şi perspectiva europeană a aiştei reghiuni, poziţiili spusi di Italia şi Romania sunt convergenti em tu aţea ţi mutreaşti turlia di cooperari cu statieli ditu zonă cum şi tu aţea ţi mutreaşti ândruparea a nâdiilor a aiştor stati ta s-agiungă membri cu tuti ândrepturli ali UE.” Doil’i diplomaţ fură sinfun’i că tuti vâsiliili ditu UE prindi s-li ndrupască nădiili di integrari europeană a statilor ditu Balcan’il’i di Vestu, şi s-alasa nanaparti nâscânti prigiudicăt şi âmbodyiuri cari tânu di dreptul internaţional, ca tu cazlu ali Sârbie. Romania - dzâsi Franco Frattini - reprezintă un exemplu di sucţes ti tuti vâsiliili candidati, câţe, şi tu cazlu a l’ei, tu chirolu di preaderari, avea multi prigiudicăţi pi nivellu a aparatlui birocratic ali Comisie Europeană (CE), astricuti cu chirolu. Ministrul italian ti Politica cu Xeanili dzâsi tutunâoară, că Mecanismul di Cooperari şi Verificari ali CE nu lipseaşti să agiungă un mecanism ţi spuni du deadzitlu; dimi , România nu lipseaşti s-hibă pidipsaită ti amânarea bâgaril’ei tu practichie a reformilor tu Justiţie. Ministrul italian dzâsi că easti ghini s-hibă organizatu, toamna aestă, unu summit interguvernamental romano –italichescu şi unu forum ali societati civilă. “Vrem - dzâsi Frattini – s-dămu un semnu semnal că ari ună ligătură nu maş anamisa di guverni că şi ună veacl’ie uspitâl’ie anamisa di populili a noastri”. Fratttini dzâsio ş-că Italia, ca vâsilie nicuchiră a summitlui G8, pripuni ascădearea a taxilor loati di la lucrătorl’i muncitorilor cari pitrecu pâradz tu vâsilia di iu viniră, misură di cari va să s-hârsească şi miliunili di român’i ţi tora di oară lucreadză tu xeani. Franco Frattini;TRACK “Pripunearea a noastră easti s-li ascâdeamu la giumitati aesti hărgi şi nâ minduimu că aesti taxi cari agiungu la 10% suntu diprimansusu; icunumia cari va sâ s-facă (prit scădearea a taxilor) lipseaşti s-agiungă la lucrători şi dimi la vâsilia di orighini a lucrătorlor.” Auror: Valentin Tigau Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International