Radio Romania International

Arhiva :

Familia Ridzi şi banul public
(2009-07-03)
Atea dit soni aspuneari: 2009-07-03 15:10 EET Print
Comisia parlamentară dit România cari ancheteadză turlia tru cari ministerlu a Tineretlui şi Sportului hărgiui cama di 600 di n’il’i di euro tra s-ndreagă, pi 2 Mai, Dzuua a Tineretlui agiumsi sţena a ampuliserlor politiţi. Protagoniştil’i suntu parlamentarl’i a PD-L, partia a doamnăl’ei ministru Monica Iacob Ridzi, di ună parti şi reprezentanţăl’i a PSD – ufiţial, partener di guvernari a democrat-liberalilor – şi PNL (opoziţie), di alantă parti. Audierli dit comisie fură mintiti nu maş di ncuntrărli politicianisti că şi di niapruchearea a firmilor cari deadiră consultanţă ti organizarea a evenimentilor ta s-yină, cu furn’ia că ari dinăpoi anchetă judiciară tu dizvărteari. Comisia feaţi timbihi a aţilor dauă firmi s-yină la audieri, fuvirsindalui cu sancţiuni şi aduţearea cu zorea. Lucri yilipsitoari inşiră tu migdani, ama, şi fură dati di un trustu media. Directorli a aiştui spusi că stena dit staţiunea maritimă Costineşti şi concertul pi cari ministerlu spuni că li pălti dit păradz işiş, fură păltiti acutotalui di trustu. Atumţera, “Pi ţi deadi Iacob Ridzi păradzl’i?” s-ntreabă, cu ndriptati, GÂNDUL. iasi tu migdani, cum spuni jurnalu, că Ministerlu pălti maş publiţitatea. Sum numa „Ridzi s-azvurnuiaşti di pi sţena di 75 di n’il’i di euro”, COTIDIANUL u spuni minduita ti iminenta scuteari di pi scamnu politic a ministurlui. Comisia lu-ascultă şi secretarlu di stat dit Minister, fostul mari antrenor a gimnastilor, Octavian Belu. El declară că nu fu mintit tu organizarea a controversatilor manifestări, al’iumtrea, profită di vinita tu legislativ ta s-cutuyursească catandisea slabă a sportului, ţi easti dupu formula işiş, la terapie intensivă. La audieri vini şi jurnalistul sportiv Cătălin Tolontan, aţel ţi scoasi tu padi aşi spusili călcări di nom di la Ministerlu a Tineretlui. Tolontan adusi documenti ţi spun şi alti ilegalităţ tu aestu dosar. Cătălin Tolontan: „Aţea ţi vă aduc dininti spuni cu documenti publiţi, nu cu sursi, că Guvernul ali Românie contractă, recepţionă şi plăti hăbări şi reportaji la ţinţi televiziuni dit România. Aesti fură dimăndati ca informaţii, aţea ţi calcă un nom ali Românie, Nomlu a audiovizualui, cari spuni că la iţi autoritati publică nu-l’i si da izini ta s-mintească tu editorialu a iţi turlie di media dit România”. Problemi ari şi nicuchirlu a doamnăl’ei Ridzi, primarlu democrat-liberal a căsăbălui Petroşani (centru-vest), Florin Iacob-Ridzi. Reporterl’ii a JURNALUI NAŢIONAL aflară că studiul di fezabilitati şi caietlu di borgi ti un proiectu a aţilor locuri – ună telegondolă băgată tu munţăl’i Parâng – s-pari că fură adrati cu dedicaţie ti ună firmă dit Austria. Textul:Faneos – Ştefan Stoica Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International