Radio Romania International

Arhiva :

Prezidentul Băsescu ti criză şi economie – 2012.03.12
(2012-03-12)
Atea dit soni aspuneari: 2012-03-28 16:08 EET Print
Niţi posibila scădeari a CAS-ului până di 5%, spusâ di premierlu Mihai Răzvan Ungureanu, niţi turnarea acutotalui la tin’iili di cafi mes tră bugetari pi livelu ţi eara nâinti di n’icşurarea cu 25 di proţenti, ti cari sâ spusi cu minduita prezidentul Traian Băsescu, nu suntu salami, ama li apreasirâ diznău nâdiili a român’ilor cari s-ampulisescu cu zn’iili a crizâl’ei. Dauli va s-aibâ, ama, impactu tră buget, prit n’icşurarea a amintatiţlor – ma s-hibâ di s-n’icşureadză CAS-lu, ică criştearea a hărgilor - prit criştearea a tin’iilor di cafi mes. Varianta ti n’icşurarea a contribuţiilor va u tragâ tuţ lucrătorl’i, em bugetarl’i, cari au amintatiţi ma n’iţ di aproapea doi an’i, em şi aţel’i dit sectorlu privat. Analiştil’i economiţ spun că unâ eventuală scădeari a CAS poati s-aibă efecti pozitivi tru mediul particular, ti furn’ia că va s-da silă la băgarea pi lucru a oamin’ilor. Tru un interviu ţi lu deadi a unlui postu particular di televiziuni, caplu a statlui exighisi câţe aleadzi, ama,alantâ posibilitati di crişteari a amintatiţlor. Traian Băsescu: „Ştiu că easti unâ vârtoasâ zori a mediului di emburlâchi ta s-n’icşurăm CAS-lu. Io minduescu că easti spusâ cu ndriptati, ama pot sâ-n’i spun minduearea că nu vini oara ti n’icşurarea a CAS-ului, dit unâ furn’ie aplo: noi avem dificitlu structural pi fondul di pensii, em, n’icşurarea a CAS-ului însimneadză criştearea a dificitlui la fondulu di pensii.” Prezidentul pistipseaşti că di la 1 di cirişar va s-hibâ ti bun turnarea a tin’iilor di cafi mes pi livelu dit veara anlui 2010, ninti di bâgarea tu practico a meatrilor di sirţâl’e. Aşi cum spuni Băsescu, nica dit bitisita al 2011 furâ tin’isiti condiţiili di turnari la tin’iili di cafi mes di ma nâinti, ama s-lugursi că lipseaşti s-aibă ngătan la ţifrili economiţi dit protlu trimestru. Şeful statlui exighisi că ari izvuri financiari tra să s-l’ia unâ ahtari apofasi, ţi poati s-ducă la criştearea a adunărlor di pâradz ti bugetlu di pensii, iu ari un dificit cabaia mari, cata cum şi la criştearea a consumlui. Easti unâ alâxeari di minduitâ economică a prezidentului, cari eara un ţi andrupaşti politiţli di sirţâl’e, agiundzi pi aestâ isapi politologlu Cristian Pârvulescu ţi spuni: „Mi antreb ma s-hibâ zborlu tamam ti unâ alâxeari di perspectivă icâ maş ti justificarea a unâl’ei apofasi cari ari, cadealihea, şi un scop electoral, tu condiţiili tu cari s-pripuni câ aesti crişteri la tin’iili di cafi mes s-ahurheascâ s-hibâ bâgati tu lucru tră funcţionarl’ii publiţ di la 1 di cirişar; dimi, cu ndauâ stâmân’i ninti di alidzerli locale şi cu giumitati di an nintea a alidzerlor parlamentari, cu câftarea câ aesti s-hibâ ţânuti dupu vade, tru brumar. ”Di simasie easti, spuni Pârvulescu, desi crişterli va s-poatâ s-hibâ bâgati tu lucru, tu condiţiili tu cari fu adusâ aminti şi zburâtâ unâ câbili ti intrarea diznâu ali Românie tu recesiuni tehnică, exclusă, ama, di caplu a statlui. Autor: Corina Cristea Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International