Radio Romania International

Arhiva :

MEDIA TOP
(2009-06-30)
Atea dit soni aspuneari: 2009-06-30 14:46 EET Print
Cu ţi ş-u aducu aţel’i di ma ninti minişti şi aţel’i di tora di tuti hromili politiţi ică aţel’i ţi fură responsabil’i pi nivel analtu a structurlor informativi din România? Maş unu lucru – au agiunsă ică va s-agiungă tu vizorul ali Direcţie Naţională Anticorupţie. Nâscânţ agiumsiră la giudicată, cum easti cazlu a şeflui di ma ninti a SRI, Radu Timofte. Jurnalu ROMÂNIA LIBERÂ, ângrâpseaşti că aestu fu pitricutu la giudicată di DNA câţe ş-ari ancupârată paranom şi paraieftin casa di serviciu, ţi easti tu ună zonă rezidenţială a Bucureştiului. Timofte lipseaşti s-da apandasi la stepsul di instigari la abuz tu serviciu contra a interesilor publiţi şi falşu tu declaraţii. Ari şi ună zn’ie – 165 di n’il’i di euro. Procurorl’i antiaruşfeti voru nica un cap, ângrâpseaşti EVENIMENTUL ZILEI, pi aţel ministrului PSD di ma ninti ali privatizari, Ovidiu Muşetescu, ti cari Parchetul ghneral âl’i câftă a prezidentului Traian Băsescu avizlu di ânchiseari a mutrearil’ei penală. Anchetatorl’i au mărtirii că Muşetescu u ari sum evaluată pacheta di acţiun’i ţi liavea statlu la dauă firmi industriale, ţi eara pi cali di privatizari. Di la facti ţi da consistenţă a unui dosar penal, presa treaţi tu zona a şupeilor, ţi suntu anvârliga di doi miniştri ditu actuallu cabinetul di coaliţie, unu la stânga, alantu, ti simetrie, la dreapta. Protlu easti Nicolae Nemirschi, şeflu social-democrat di la Fisi, ti cari ari şupeie câ deadi prit pâzârâpseari directă un contractu finanţat cu pâradz europen’i. Ună comisie parlamentară va-l mutrească cazlu. Şi tut ună comisie a leghislativlui va u mutrească şi ministrul a Tiniramil’ei şi Sportului, democrat-liberala Monica Iacob Ridzi. A l’ei âl’i si bagă stepsu că ari hârgiuită ma multu di 600 di n’il’i di euro ti manifestări cari eara ma multu publicitati ti ea şi ti Elena Băsescu, hil’ia ma n’ică a prezidentului agiunsă, dapoia, europarlamentar. „Ridzi lu informă Parlamentul că ancheta ţi u mutreaşti ea dânâseaşti”, ângrâpseaşti GÂNDUL. Dna ministru, cari ari şi calitatea di deputat, dzâţi că aestu caz easti mutritu di DNA şi, aşi cum dzâţi regulamentul, anchetili parlamentari nu s-facu tu idyiul chiro cu aţeali judiciari. Cu tuti aesti, „cazlu Ridzi neadzi ma diparti”, bagă oară JURNALU NAŢIONAL, aestă prit pidimolu conjugat ali ună coaliţie parlamentară ad-hoc contra PD-L. Tu presa s-ângrâpsi ti darea di contracti a soţlor politiţ şi tu ligătură cu ministrul a turismului, Elena Udrea. COTIDIANUL li comentează, pi tuti, caustic: “Cari poati s-mata aibă pisti pi apelurli pânguroasi la solidaritati tu austeritati a n’iclui premier Boc şi a marilui a lui păpuşar Băsescu cându niţi unu, niţi alantu nu li-au loată pi Ridzi şi pi Udrea ilechea a palturlor şi niţi pi Nemirschi di nodlu di la cravată ta să-l’i trunduiască până li azboairă tuti contractieli preferenţiali cu firmili ali clientelă”. Autor: Stefan Soica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International