Radio Romania International

Arhiva :

MEDIA TOP
(2009-06-24)
Atea dit soni aspuneari: 2009-06-24 13:22 EET Print
Tu jurnalili româneşti, spaţiul ţi mutreaşti poltica agiumsi s-hibă aproapea maş cronică judiciară. Şi ază prota frândză u ţânu tut titlurli ligati di scandalurliaruşfeti, a curi protagonişti suntu cipiti a partidilor ditu “marea coaliţie” PDL (pro-prezidenţial) - PSD (stânga). “Adrian Năstase ascapă di DNA” – da hâbari ROMÂNIA LIBERĂ, după ţi colegan’il’i a lui ditu a Camera a Deputaţlor deadiră nanaparti, prit vot, ună nauă câftari a procurorlui gheneral ca aţelu di ma ninti premier social-democrat tu an’il’i 2000 şi 2004 s-hibă mutritu penal tu un dosar âmplinu dui stepsuri dari şi luari di aruşfeti şi di şantaj. “Adrian Năstasi alăsatu arihati” – ângrâpseaşti şi ADEVĂRUL naua amânari tu cazlu, ţi tutu easti amânatu di an’i di dzâli, cari l‘i-ari adusă al Năstase, nai puţân tu percepţia publică, aşi cumu spunu sondajile, titlu di nai ma pseftul politician român. Jurnalu bagă oară ş-că singurl’i cari au votatâ s-hibă aprucheată câftarea a Parchetlui nu fură deputaţl’i ali opoziţie PNL-UDMR, câ pedeliştl’i, dimi partenerl’i di la guvernari a PSD-ului. Di altă parti, ângrâpseaşti JURNALUL NAŢIONAL, “deputaţl’i da undă veardi ti anchetarea a ministrului PDL a Tineretului, Monica Iacob Ridzi”. Camera apufusi, prit-un vot cvasi-unanim, adrarea unâ comisie parlamentarâ di anchetă cari s-mutrească avalanşa di stepsuri băgati di presă, cari spunu că Ridzi ari faptă furlâchi, cu contracti umflati şi dati fără licitaţie, di vârâ 630 di n’il’i di euro ditu fonduri publiţi. Aeşti au finanţatâ spectacoli taha ti Dzuua a Tiniramil’ei, ti 2 Mai, ama cari, bagă stepsu GAZETA SPORTURILOR, ândrupară ma multu candidatura independentă la Parlamentul European a featăl’ei ma n’ică a prezidentului Traian Băsescu, Elena, bună oaspită cu d-na Ridzi. “Ridziada - faza pi judeţi” - supralicitează jurnalu COTIDIANUL, cari ngrâpseaşti că “direcţiili judeţeni ti Tinirami dzâcu că au organizată manifestărli ditu fondurli a loru şi nu au avutâ ligături cu firma aleaptă di minister”. Ti simetrie, niţi falanga pesedistă ali guvernari tu exerciţiu nu easti ascăpată di gaile. “Ministrul a Mediului, Nicolai Nemirschi-Gâgă, va s-hibă anchetat după ţi Aggenţia Naţională di Integritati lo di hâbari câ nâscânti di proprietăţli a lui nu fură înreghistrati la Fisc” – ângrâpseaşti tutu jurnalu ROMÂNIA LIBERĂ. Iara jurnalu ZIUA, sum titlu “Fuvirsearea alu Băsescu”, tipuseaşti comunicatlu prit cari “şeflu a statlui şi spusi deţizia sâ-l’i suspendă ditu funcţie pi miniştril’i cu problemi penali” şi s-lu zdumină aşi Guvernul la a curi învestire, tu meslu andreu, spunea că “ş-lu vidzu yislu cu ocl’i”. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International