|
|
| Apofasili a Consiliului European – 2012.03.02 |
| (2012-03-02) |
| Atea dit soni aspuneari: 2012-03-28 16:09 EET |
România nu intră, toradioară, tru spaţiul european di libiră urdinari Schengen. Liderl’ii a statilor membri ali UE s-achicăsiră, la Consiliul European di primveară di Bruxelles, s-amână, până tru meslu yismăciuni 2012, unâ apofasi mutrindalui eventuala aderari ali României şi Vărgărie la Schengen. Apruchearea a aţilor dauă stati fu amânată ma multi ori arad. Tru aestu chiro, goala văsilie dit Uniunea Europeană ţi easti pi dauă tu ţi mutreaşti apruchearea a Bucureştiului şi ali Sofiei easti Olanda. Premierlu olandez, Mark Rutte, declară că va s-ncuntreadză ş-ma largu până cându ateali dauă văsilii va s-bagă tru lucru reformili câftati. Caplu a guvernului olandez spusi că România şi Vârgâria lipseaşti s-facă ma multi gaereţ tră reformarea a sistemlui di justiţie şi ti alumta contra ali aruşfeti şi a crimâl’ei organizatâ:
Noi u spunem multu limbid că nu shim contra ti aderarea ali Românie şi ali Vârgârie Spaţiul Schengen. Aţea ţi vrem easti s-avem asiguripseri că tuti criteriili Schengen suntu bâgati tru practico pi teren şi avem ananghi di rapoarti pozitivi ali Comisie Europenâ cari s-lu spunâ ti dealihea aestu lucru, cari să scoatâ tru videalâ limbid că aţeali dauă vâsilii adarâ tut ţi easti ananghi tra s-li bagâ tru lucru tuti criteriili Schengen. Până tora nu s-feaţi aestu lucru. Aţeali dauă vâsilii feaţirâ jgl’ioati nnti, ama nu duri.
Al’iumtrea, prezidentul a Parlamentului European, Martin Schulz, spusi câ România şi Vârgâria tin’isescu tuti criteriili tra s-nintrâ tru spaţiul Schengen. Ari şi speculaţii ţi spun câ niapruchearea ali Olandâ tra s-da izini a aţilor dauâ vâsilii ta s-intrâ tru spaţiul european di liberă urdinari fu aţea furn’ie tră cari România s-ncuntră tra sâ-l’i si da ali Sârbie statutlu di vâsilie candidată la Uniunea Europeană. Furn’ia ali opoziţie Bucureştiului vrea s-hibâ nitin’isearea a ndrepturlor a minoritatil’ei româneşti dit Sârbie.
Tu oara dit soni, aesti furâ nâstricuti, prit simnarea a unui protocol-româno-sârbui a deapoa liderl’ii a statilor UE, andâmusiţ Bruxelles, apufusirâ tra s-da ali Sârbie "statutlu di candidat" ti aderarea la bloclu comunitar. Minoritatea românâ dit Sârbie, misurâ aproapea 250.000 di inşi. Ma mulţâ di el’i bâneadzâ tru Valea a Timoclui, reghiune ţ easti tru apirita a vâsiliil’ei ş-tru Voivodina, tu nordu. Român’il’i dit Timoc, spuşi cu numa şi vlahi, nu s-hârsescu di ndrepturi uidisitu cu minorităţli naţionali, nica nu au înviţămintu icâ activităţ culturali şi relighioase tu limba di dadâ.
Autor:Leyla Cheamil
Armânipsearea: Taşcu Lala
Puteţ s-ghivâsiţ nota pi site-ul a nostru www.rri.ro ş’pi Facebook.
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido