Radio Romania International

Arhiva :

Pandemia di gripa a secolului XXI
(2009-06-12)
Atea dit soni aspuneari: 2009-06-12 12:59 EET Print
Organizaţia Mondială a Sănătatil’ei lu criscu nivelul di alertă tu aţea ţi mutreaşti gripa AH1N1 la nivelul maxim – 6, dimi pandemie, prota di aestă turlie tu 40-l’i di ani pânâ tora. "Virusul nu poati s-hibâ dânâsitu" - sumcundil’ie directoarea OMS, Margaret Chan. Ea preciză ama că aestă easti ună pandemii di mesi, că aestu virus poati sâ s-alâxească multu lişoru şi easti cu piricl’iu maş cându omlu nu s-yitripseaşti. Dr. Chan dzâsi ş-că niţiună di pandemiili di ma ninti nu fu detectată ahântu ayon’ia. Ea feaţi timbihi că tuti vâsiliili lipseaşti s-hibă vigilenti, ama preţiză câ nu easti ananghi s-hibă bâgati restricţii di călătorie ică ncl’idearea a sinurlor la vârâ vâsilie. SCama vă spunem că numirlu a persoanilor contaminati cu noulu virus gripal s-aproachi di 30 di n’il’i, tu dzăţ di vâsilii ş-că ma multu di 140 di oamin’i au murită. OMS şi Chentrul European ti Controllu a Lângorlor Transmisibili recomandă ancupărarea a yitriilor antivirali specifiţi ti tratamentu a minimum 25% şi vaccinarea a nai putân 35% dit populaţia ali vâsilie, din cari 5% ditu sistemlu public. Industriili farmaceutiţi lipseaşti s-prezintâ nai ma amânatu la 1 di sumedru un vaccin cu hâiri şi disponibil la vindeari contra a aiştei gripă. Ună companie farmaceutică elveţiană deadi hâbari că lu ari adrată protlu lot di vaccinuri contra a gripăl’ei. Tu Românie, iu noulu noul virus a agudi maş ândoi inşii nu muri vârnu pânâ tora ş-fu aprobat un plan naţional di intervenţie. Ministrul ali sănătatii, Ion Bazac: „România ari un plan naţional di intervenţie tu pandemia di gripă. Obiectivlu principal easti apufusearea a misurlor ş a mecanismilor di acţiuni ti asiguripsearea avigl’iaril’ei ali populaţie şi a societatil’ei contra a fuvirsearil’ei di pandemii di gripă şi di ândridzeari a sistemlui di sănătati ta s-facă faţă la ună pandemie di gripă di mari amploari.” Ion Bazac a preţiză că gradlu di periculozitati a virusului easti luyursitu di mesi şi că nu ari piricl’iu di arăspândeari a gripăl’ei pi nivelu ali comunitati (TRACK): „Voiu s-lă spunu a oamin’ilor câ bana lipseaşti sâ s-ducă normal ş-misurli preventivi comunicati di Ministerul a Sănătatil’ei suntu prioritari şi eficienti”. Ministrul a sănătatil’ei dzâsi ş-ţi lipseaşti s-adară dun’iaua: „Oamin’il’i nu lipseaşti s-adară ţiva maxusus.Misurli di prevenţie, aţeali elementari, di igienă, suntu multu importanti şi dun’iaua ma s-li facă aesti, u ncheadică arâspândearea a viruslui”. Oficiallu român deadi urnimie ca inşil’i cari au tusi seacă, secreţii nazali apoasi şi heavră pisti 38 di gradi Celsius să s-ducă pi ayunie la spital ică la ună secţie di lângori infecţioasi. Autor: Daniela Stefanescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International