Radio Romania International

Arhiva :

Protesti sociali
(2009-06-11)
Atea dit soni aspuneari: 2009-06-11 13:57 EET Print
Suti di fermieri au protestată, n’iercuri, Bucureşti ta s-u facă cunuscută catandisea tu cari suntu criscătorl’i di tutipută ditu Românie. El’i spun că sectorlu di exploatari a bovinelor easti pi praglu a falimentului, laptili s-vindi cu un pâhă multu n’icu, iara procesatorii au tarifi mult para mări. Tu aesti condiţii, România easti tu piricl’iu s-agiungă, ditu vâsilie producătoari, maş pâzari iu sâ s-vindă laptieli şi carnea ditu UE, spun protestatarl’i, cari caftă subvenţii pi nivelu aţilor ditu vâsiliili europeani ta s-tână cheptu la concurenţă. Mircea Ciurea, prezidentul ali Federaţie a Criscătorlor di Bovini: “Ună politică protecţionistă a statlui, aşi cum fac vâsiliili europani tu condiţii di criză ti aestu sector di activitati, sumvenţii pi nivelu aţiloru europeani, un mediu icunomic care s-agiută s--nă fâţemu lucurlu tu buni condiţii - dimi crediti cu tocu subvenţionat ti investiţii di 2% - 3%, ândrupari di partea a statlui ti loarea a fâvriţlor di lapti falimentari, aşi că noi, asociaţiili, pareili di producători s-putemu s-lu locrămu laptili ţi-l da fermili a noastri, câţe, tu condiţiili actuali, procesatorii l’ia di la noi, di la una dzuuâ la alată, tut ma putânu lapti”. Câftărli suntu realisti, ama guvernul ari nâscânti praguri ligati di directivili europeani mutrinda agiutoarili di stat şi cuantumlu a sumvenţiilor, spun autorităţli. După andamusea cu fermierl’i, ministrul a finanţilor, Gheorghe Pogea, deadi asiguripseri că problema compensaril’ei a obligaţiilor fiscali pi cari li au fermierl’i andicra di stat va s-ândreagă: “Obligaţiili di plată, aţeali 1,828 miliardi ţi va li pâltească Ministerlu ali Agricultură prit Agenţia di Pâlteri şi Intervenţii tu Agricultură - aesti pâlteri directi – va s-hibă pâltiti integral până la işita a meslui cirişaru. Va s-hibâ ananghi s-analizăm, s-videm tu ţi misură putem s-u dăm aestă ândrupari, fără s-intrâ sum incidenţa a agiutorlui di stat”. Restanţili la pâltearea a tin’iilor di cafi mesu au reprezentatâ unâ altâ furn’ie di protesti, a lucrâtorlor di la căl’iurli di her. Câţe nu lâ intrară tu chiro pâradzl’i pi carduri, lucrătorl’i CFR di pi raza nai ma mărlor reghionali, Bucureşti şi Constanţa, au ânchisită, tutu n’iercuri, ună grevă spontană, ş-l’i alâsară călătorl’i s-aşteaptă la temperaturi ma mări di 35 di gradi Celsius. Liderlu ali Federaţie Mişcari Comercial, Gheorghe Popa:”Lucrătorl’i di la compania di infrastructură di Gara di Nordu şi ditu gărli limitrofi Bucureştiului dânâsiră lucurlu căţe nu lâ fu pâltite tin’’ile e-au fost virati di la 30 di maiu. Administraţia a căl’iurlor di heru dzâsi că fu ună problemă tehnică, ordineli di pâlteari eara dati la bancă, ama di itii tehniţi aeşti pâradz nu agiumsiră la lucrători. Di itia a grevăl’ei 5-6 trenuri armasiră tu Gara Bucureşti şi vârâ 10 trenuri tu parcursu avurâ amânări pân di ună sihati, ună sihati şi 20 minuti”. Autor: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International