Radio Romania International

Arhiva :

Prognoza di criză
(2009-06-10)
Atea dit soni aspuneari: 2009-06-10 14:23 EET Print
Institutlu National di Statistică ari publicată marţâ datili mutrinda evoluţia ali emburlâchi cu xeanili ali Românie tu proţl’i patru meşi a anlui, iara situaţia nu s-alâi andicra di meşl’i di ma ninti. Exportul ascadi cu proţenti relativ n’iţ, iara importurli ascadu pi ayunie, para ayon’ia ti unâ scădeari sănătoasă: di la 18,2 miliardi di euro, tu proţl’i 4 meşi ditu 2008, la 11,6 miliardi estan. Datili INS spunu ş-că recesiunea înreghistrată tu protlu trimestru a anlui tu Europa di Estu fu determinată di surparea ali producţie industrială şi ali activitati comercială. Cu tuti aesti, dzâţi prezidentul ali Comisie Naţionalâ di Prognoză, Ion Ghizdeanu, ari seamni că icunumia românească ahurheaşti sâ s-ămprusteadză diznou şi şi că că investiţiili stimulează căftarea: „Easti posibil ca aestu trimestru s-hibă aşi cumu luyurseam, trimestrul cu nai ma marea scădeari.Luyursimu ti yinitoru că icunumia va sândreagă, nica di tora, protili seamni ditu apriir em tu ţi mutreaşti hârgiuiarea, nica şi industria, cu unâ scădeari ma n’ică di protlu trimestru, nâ da nâdie”. TTu aradha a lui, ministrul a lucrului, Marian Sârbu, deadi hâbari câ firmili cari cari nu va să scoatâ oamin’il’i di pi lucru tu chirolu a crizăl’ei s-poati s-pâltească contribuţii la bugetlu a asigurărlor di stat ma ni’ţ, ahurhinda ditu 2010. Pi nivel european, miniştril’i di Finanţi ditu UE au tâxită că va li ascadă xichili bugetari, după turnarea la criştearea icunomică, ama nu agiumsiră la unâ acâchiseari mutrinda adrarea cama sertă avearea angătanu sectorlu financiar european, ta sâncheadică yinitoarili crizi. Miniştril’i UE au siemnată un documentu tu cari tăxescu câ nu mata va s-facă hărgi ti ândruparea a icunumiilor dupu bitisearea ali recesiuni. Pi di altă parti, România va s-da hâbari ali Comisie Europeană, tu işita a meslui alunaru, ti naetea di restructurari a sectorlui di producţie ali energhie. Ministrul ali icunumie, Adriean Videanu, preţiză că, chiro di şasi meşi, hârgiuitorl’i industrial’i va s-poată s-ufiliseascâ gazi naturali exclusiv ditu producţia internă, cama ieftini di aţeali ditu import, ama că excedentul ali Românie tu producţia di gazi nu easti duri ta s-poată s-agiungă ş-la hârgiuitorl’i casniţ la un pâhă cama n’icu. Adriean Videanu: „România ari tru aestu momentu ună supraproducţie di gazi şi ti hârgiuitorl’i intreruptibili isa şi nidiscriminatoriu va s-dămu gazili ditu Românie. Vrem s-u ndrupămu icunumia ta s-li tânemu locurli di lucru ca nai ma sânâtoasa formă di protecţie socială pi cari putemu s-u fâţemu tu aestu chiro di criză”. Autor: Daniela Stefanescu Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International