Radio Romania International

Arhiva :

Aschilrladzl’i român’i tu Irak
(2009-06-05)
Atea dit soni aspuneari: 2009-06-05 12:27 EET Print
''Misiuni scoasă pân tu cap tu Irak'', declară, gioi, prezidentul român Traian Băsescu, dinintea a aschirladzlor român’i pitricuţ tu aestă văsilie. Hăbarea a caplui a statlui yini ună-ş-ună cu nchisita a operaţiun’ilor di turnari a ascherilor româneşti, ţi s-feaţi tu ună andamusi ndreaptă Camp Dracula, dit Tallil (tu notlu a Iraklui). Eara viniţ, ntră alţăl’i, ambasadorlu ali SUA la Bagdad, Christopher Hill, Comandantul a suţatăl’ei internaţională, gheneralu Raymond Odierno, şi Caplu a Statlui Major General ali Ascheri Irakieană, gheneralu Babahir Baderkan. Ti turlia tu cari aschirladzl’i român’i ş-feaţiră borgea tu Irak, Băsescu spusi că: Feaţitu că misiunea a voastră s-nu hibă maş ună borgi di aschirlă, nica teasitu ună apunti dit istoria ali Românie cătră istoria a Iraklui. Ma multu, chiro di şasi an’i, vigl’iatu loclu irakian ţi lu-avut ti borgi idyea cata cum easti loclu a văsiliil’ei a voastă. După misiunea militară, prota nafoara a văsiliil’ei, bitisită di Ascherea Română tu aeşţă 60 di an’i, caplu a statlui veadi şi ună triţeari ti ma nclo: Ti noi yinitorlu scupo easti că tu Irak s-agiungă firmi româneşti, s-adară investiţii, s-l’ia parti la programlu di dizvoltari a Iraklui. România ari ună mari adeti ti exploatareascutearea şi lucrarea a naftăl’ei, ti exploatarea a gazilor, tu construcţii di rafinării, ti construcţii di făvriţ di ţimentu, ti dezvoltarea a infrastructurlor ti agricultură şi a infrastructurlor rutieri. Vinita a ascherilor româneşti tu Irak ari la thimel’iu Memorandumlu simnat di aţeali dauă stati, cari pruveadi că ritrădzearea lipseaşti să s-bitisească pănă pi 31 di alunar. Memorandumlu fu şi prota aradă a moeabeţlor ţi prezidentul român li-avu cu omologlu a lui, Jalal Talabani, ş-cu premierlu Nouri al-Maliki. Caplu a statlui irakian u spusi vrearea că ligătura bilaterală cu România, cari lo parti dit alunar 2003, la gaereţli internaţionali di stabilizari a văsiliil’ei s-l’ia silă. Tu ahurhită, Bucureştiul arădăpsi aoa aproapea 850 di aschirladz, ama, preayalea-ayalea, numirlu fu n’icşurat pânâ la 365, cât ari tora continghentul. Acutotalui, aproapea şapti n’il’i di aschirladz român’i loarâ parti, pi arada, la operaţiun’i. Aşi cum spuni Ministurlu ali Apârari di Bucureşti, hărgili a prezenţăl’ei româneşti tu Irak fură, pânâ tu ahurhita a anlui aestu, di aproapea 80 di miliun’i di euro. Ama, naima marea chireari ţi u avu, easti bana a aţilor doi aschirladz: Bogdan Hîncu şi Ioan Groşaru. Dol’i fură tin’isiţdecoraţ post-mortem chiola di prezidentul ali Romanie. Textul:Florentin Apriduţearea: Taşcu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International