Radio Romania International

Arhiva :

Reacţii şi evoluţii după referendum
(2007-05-21)
Atea dit soni aspuneari: 2007-05-21 15:34 EET Print
Prezidentul român, Traian Băsescu, va sâ s-toarnâ diznou pi scamnul cu nai ma analta funcţii tu stat. La referendumlu dit 19 di maiu, tu condiţiili a participaril’ei la urni a vârâ 44% di aţel’i vârâ 18 miliun’i di inşii cu ândreptu di vot, nai ma popularlu omu politic dit vâsilie adună sufragiili a vârâ 75% dit aţel’i cari vinirâ la scrutin. Ma multu di 70 di n’il’i di român’i au votatâ tu xeani. Aduţem aminti câ ma ninti prezidentul fu suspendat di Parlamentu câ-l’i bâga stepsu câ lu avea câlcatâ nomlu fundamental ali vâsile, cu tuti câ Curtea Constituţională avea avizatâ negativ un ahtari demersu. Cându vinirâ protili luyurseri la işearea di la urni, Traian Băsescu s-zburâ tu Piaţa Universităţii dit chentrul a Bucureştiului, a aţiloru adunaţi să sărbăturiseascâ momentul: ‘Semnificaţia a votlui easti că român’il’i, di iţi partid s-hibâ, vor vot uninominal, vor alâxearea ali Constituţiei, vor nomlu ali lustraţie, vor unâ educaţie cari s-da şansi a bârnului di tiniri. Aţea ţi nu poato sâ-n’i caftâ vârnu partid easti s-pâzârâpsescu nâdiili a voastri. România a oligarhilor easti unâ Românii pi cari nu mata u va canâ, nafoarâ di el’i’. PD, ândrupâtor fidel a şeflui a statlui, luyurseaşti rezultatlu a referendumlui un vot di pisti ali populaţie. Di altâ parti, victoria al Băsescu adusi niifhâristiseri şi agitaţii tu aradha a partidlor cari au orchestratâ suspendarea cu scupolu a demiteril’ei a lui. Chirearea di la referendum lu feaţi pi viceprezidentul PSD, Victor Ponta, să si spunâ niifhâristisitu di strateghia di campanie a partidlui şi s- va ca aţel’i cari feaţirâ greşcâ s-u pricunoascâ. Tu aradha a lui, Partidlu Naţional Liberal (la co-guvernari), a curi lider, premierlu Călin Popescu Tăriceanu, easti ncâceatu cu şeflu a statlui, feaţi unâ timbihi supriză. Cama limbid, şeflu di campanie a liberal’ilor, Ludovic Orban, deadi hâbari câ organizaţia Bucureşti, ţi u cumânduseaşti, caftâ triţearea a partidlui tu opoziţie. Părerea nu easti, ama, aprucheatâ di tuţ liberal’i, cari va sâ s-adunâ ta s-l’ia unâ deţizie. Pânâ cându la Bucureşti apili va s-limbidzascâ, Bruxelles poziţiili a oficial’ilor comunitari suntu limbidzclare. Sintagma-cl’aie easti ‘reforma’. Prezidentul ali Comisie Europeanâ, Jose Manuel Durrao Barroso, pistipseaşti câ România, ţi di ţinţi meşi agiumsi membră a UE, ari ananghi, ta s-niinteadzâ pi calea a reformilor, di un mediu politic stabil. Prezidentul a liberal’ilor liberalilor europen’i, Graham Watson, easti di păreari că rezultatlu referendumlui reprezintâ un vot di responsabilitati ti Traian Băsescu. Socialiştil’i europen’i invită la seriozitati tu ndridzearea a alidzerlor europeni, iar popularl’i pistipsescu că proceslu ali reformâ tu Românie – tu cari intră alumta contra ali aruşfeti, ânvârtuşearea a instituţiilor democratiţi şi bâgarea tu practichie a nomlui – prindi sâ s-ducâ ninti şi prindi s-hibâ ndrupatu di un angajamentu sertu şi univoc ti reformâ al întreagâl’ei clasâ politicâ. Autor : Roxana Vasile Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International