Radio Romania International

Arhiva :

Fărtuna dit ahurhita a vearăl’ei
(2009-06-03)
Atea dit soni aspuneari: 2009-06-03 11:49 EET Print
Mari parti dit teritoriul ali Românie eara faptu timbihi pănă n’iercuri cu semnul a hromăl’ei galbină căţe va s-aspargă chirolu şi va s-aibă nicări. Acă nu avea vără timbihi tu aţea ţi lu-mutreaşti, Bucureştiul fu arnitu, asarnoaptea, di ună fărtună preşcavă cari alăsă după ea – cahara di noi – maş zn’ili materiali. Primarlu gheneral ali capitală, Sorin Oprescu, avea faptă isapi ti cama di 400 di evenimenti tu ma multi locări – pon’i surpaţ, conducti asparti, tel’iuri cădzuti/surpati ică arupti, panouri publiţitari cădzuti, citii asparti, canali nicati şi, naima greu ti ună metropolă, urdinarea pi cal’iuri ambudyiusită. Vimtul şi ploaia vărtoasă nchidicară, nica şi azboiurli di ş-cătă naima marli aeroportu dit văsilie – Otopeni, multi avioani niaprăftăsindalui s-dipună ică s-azboairă. Dauă aeronavi ţi yinea di Viena şi Sofia fură ridirecţionate cătă Aeroportul di Constanţa (notu-dată). Cu tuti aesti, asarnoaptea, primarlu Oprescu dimănda că Bucureştiul agiumsi păn tru soni, pi lucru, după ţi s-andreapsi ma marea parti dit zn’iili fapti la reţelili electriţi, iara urdinarea ahurhi diznău pi tuti căl’iurli. Sorin Oprescu: „Tu aestu chiro s-urdină tu tuti stăvruserli di căl’iuri - easti raportul a dispeţeratlui di trafic - suntu trapţă mardzina di cali pon’il’i ţi cădzură ică lumăchili cari ambudyiusea urdinarea; armăni maş că operatorl’i di salubrizari s-născărsească, ahtari turlie că normalitatea s-hibă asiguripsită tu un proţentu di 85-90%. Sigura că isapea vahi easti multu ma avută, căţe tu parcuri - Parcul Herăstrău, Parcul a Tiniramil’ei – s-feaţi ună isapi şi aclo, ţi spuni ti mulţă pon’i ţi cădzură. Va s-nviţăm multu limbid desi s-feaţiră şi aclo zn’ii. Avem sinfer prota ş-prota ti căl’iurli di urdinari, mărli bulevardi, ahtari turlie ca lumea s-poată s-ducă arihati la lucru”. Urdinarea ţi nă stuhină, easti, păn tru soni, marli ambodyiu ţi nica nu s-andreapsi Bucureşti, a deapoa ploiuri, chirolu slab di turlia cum fu asarnoaptea tu capitală, aduţi cafi oară căbilea, ta să-lu mintească. Tihi că fărtuna vini seara amănat, cându urdinarea easti, tu naima marea parti, cama aretcu ş-ca avu ş-chiro şi loc ti intervenţii. Nu maş Bucureştiul fu agudit di fărtun’i şi ploiuri. Aesti feaţiră zn’ie şi tu alti localităţ dit not şi ţentru. Isapea – căl’iuri şi ndauă nicuchirati nicati, reţeli electriţi asparti, urdinarea rutieră ş-pi căl’iurli di heru dănăsită. Zori vidzură şi organizatorl’ii a Festivalui Internaţional di Teatru di Sibiu (ţentrul a văsil’iil’ei), treilu cu vidzută după aţeali di Edinburgh şi Avignon. Aeştă vidzură zorea ta s-dănăsească ma multi reprezentaţii di furn’ia a chirolui slab. Textul: Faneos – Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International