Radio Romania International

Arhiva :

Demisia a Guvernului di Bucureşti – 2012.02.06
(2012-02-06)
Atea dit soni aspuneari: 2012-02-29 18:15 EET Print
Primlu ministru ali Românie, şeflu democrat-liberal Emil Boc, u dipusi, ază, demisia a cabinetlui ţi lu cumănduseaşti. Apofasea u lo dupu ma ghini di trei stămân’i di protesti pi geadei, antiprezidenţiali şi antiguvernamentali, şi tru idyiul chiro cu radicalizarea ali opoziţie suţial-liberală, cari aleapsi greva parlamentară ca ună turlie tra s-nu hibă simfună cu călcărli di nom a majoritatil’ei PDL – UDMR – UNPR. Emil Boc spusi că agiumsi pi aestă apofasi tra să u aducă tru catastisea di ma ninti tru plan suţial şi politic şi tra s-ascapă stabilitatea economică a văsiliil’ei. Ună stabilitati yilipsită, tru minduita a lui, di criştearea economică ţi u avu tru 2011, ună di nai ma di simasie dit Uniunea Europeană, ama şi tră ţănearea tru idyea scară a borgil’ei publiţi, a ixichil’ei bugetară şi ali inflaţie la niveluri scădzuti. Ma multu, spusi Emil Boc, nădiili ti amintatic economic tru 2012 suntu salami nica şi spusi di FMI şi Comisia Europeană. Vinită ună ş-ună dupu bitisita a misiunil’i ti făţeari isapi a FMI, ali Comisie Europenă şi a Bancăl’i Mondiali, demisia a primlui ministru fu antiţipată di frimtărli di năuntrul a tăburil’ei democrat-liberali. Lideri di prota thesi dit PDL avea spusă ma năinti, că fudzearea al Emil Boc poati s-hibă ahurhita a proţeslui ti amintarea diznău a pistipsearil’lei a partiil’ei tru an electoral. Protlu lucru adus aminti di aeşţă ţănea di imaghinea vărtos aspartă al Emil Boc, a curi cotă di pistipseari avea scădzută nica şi sum aţea a prezidentului Traian Băsescu. Aspărdzearea ireversibilă a imaginil’ei al Boc s-feaţi tru condiţiili tru cari Traian Băsescu easti duchit di opinia publică ca hiindalui caplu di fălcari di facto a Guvernului şi aţel cari li lo, păn tru soni, meatrili di sirăţăl’e şi reformili impopulari cari ăl’i scoasi oamin’il’i pi geadei. Ti aţea, valoarea politică a demisiil’ei a Executivlui easti lugursită ca hiindalui ună relativă. Cara tră democrat-liberali ea poati s-hiba cabaia, tră protestatarl’ii anti-Puteari di pi geadei şi tră Opoziţia suţial-liberală ea easti dip puţăn. Curbanea faptă cu primlu ministru nu easti duri tră opoziţia di pi geadei şi aţea dit Parlamentu. Ea spuni ună diplo presie – suţială şi politică – şi caftă, ma largu, demisia al Traian Băsescu şi alidzeri ninti di kiro. Tru minduita a liderlor ali Uniuni Suţial Liberali, fudzearea a executivlui di tora easti maşi confirmarea a falimentului ali aiştei guvernari şi nu alăxeaşti dit thimeal’e datili a problemăl’ei. Suţata majoritară treaţi prit nai cama greali momenti di la thimil’iusearea a l’ei, tru andreu 2009, după alidzearea al Traian Băsescu tru thesea di cap a statlui. Textul: Ştefan Stoica Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International