Radio Romania International

Arhiva :

Alidzerli ţănuti tru idyiul chiro, apufusiti ca hiindalui niconstituţionali – 2012. 01. 26
(2012-01-26)
Atea dit soni aspuneari: 2012-02-06 18:10 EET Print
Proiectul a Guvernului român tra s-ţănă tru idyiul chiro alidzerli locali şi leghislativi di estan fu amânat di Curtea Constituţională. Instanţa apufusi că dizvărtearea tru idyiul chiro a aţilor dauă scrutini nu easti constituţională, apăndăsindalui, aestă turlie, favorabil, a unăl’ei căftari faptă di opoziţia suţial-liberală. USL avea cutugursită, prota ş-prota, călcarea a bunilor practiţt europeani tru plan electoral. Politic, opoziţia atacă ideea ti ţănearea alidzerlor tru idyiul chiro ti furn’ia că poati s-aducă alathusi tru ligătură cu temili di campanie şi va lu mintească electoratlu, ţi ari borgea, tru un ahtari ştenariu, s-ngrăpsească nai cama puţăn 5 buletini di vot, nica şi 6 tru cazlu a bucureşten’ilor. Ma multu, USL ari şubei pi PDL, numirlu ună tru suţata di guvernămintu, că va s-ufilisească di comasari tra s-aibă hăirlătică ti aruşfetea electorală ti cari s-pari că u ari ufilisită şi tru chirolu di ma ninti. Apofasea a Curţil’ei Constituţionali easti ună victorie ali opoziţie şi a protestatarlor antiprezidenţiali şi antiguvernamentali cari ies pi geadei di dauă stămân’i. Impulsionată di verdictu, Uniunea Suţial Liberală ăl’i căftă diznău a premierlui Emil Boc tra ş-da demisia, ti furn’ia că ş-lo borgea ti un nom ţi nu easti constituţional şi ţi nu easti niţi democratic. Ceareaia ti actuala criză suţială şi politică u reprezintă adrarea a unlui guvernu di tehnocraţ, cari s-ndreagă alidzeri antiţipati, cundil’eadză liderlu PSD, Victor Ponta: „USL andrupaşti ună cearei politică ti criza di tora. Aestă cearei u reprezintă alidzerli ninti di chiro, u reprezintă alidzerli ahoryea şi nu să s-ţănă tru idyiul chiro. Abordarea a noastră va s-hibă tra s-votăm un guvernu tru loclu a guvernului Boc – ti cari am nădia că va ş-da demisia -, un guvernu cari s-ndreagă alidzeri corecti şi cari s-asiguripsească stabilitatea economică şi financiară ali Românie ti chirolu yinitor”. Acă spusi că aşteaptă giueapea a Curtil’ei tu ligătură cu apofasea tră niaprucheari a proiectului di comasari, PDL apruke că aestă lipseaşti s-hibă tin’isită ş-că alidzerli locali va s-dizvărtească ahoryea di aţeali parlamentari. Nai cama probabil, protili va să s-ţănă tru cirişar, atumţea căndu s-bitiseaşti mandatlu a alepţălor locali, iara leghislativili iuva cătă tru meslu brumar. Aestă ti furn’ia că Putearea nu aproachi, nai cama puţăn toradioară, cu tuti căftărli fapti pi geadei, varianta a antiţipatilor. Guvernul ari, dimi, un vărtos andophiu tru prezidentul Traian Băsescu, apufusit tru arada a lui, s-nu tragă măna di la zorea a manifestanţălor cari ăl’I caftă susto demisia. Traian Băsescu declară că nu poati s-tragă măna di la ipotisi tru un chiro tru cari văsilia easti tru criză şi spusi că va s-andrupască ma largu instituţiili a statlui acăţati tru proţeslu di modernizari ali Românie. Duchimăsit ti atea ţi el işiş număsi ampărţarea faptă anamisa di ună parti a cetăţean’ilor şi prezidenţie, Băsescu tăxi că va s-cilăstăsească tra să u adară diznău ligătura di pistusini. Caplu a statlui zbură ti alăxearea ali Constituţie, un nău nom electoral, adrarea di locuri di lucru, ama şi tră un purtatic tin’isitu a politiciean’ilor. După ţi oamin’il’i păltiră păhălu multu mari ali sirţăl’e, easti arada a politiciean’ilor s-asiguripsească stabilitatea a văsiliil’ei şi duţearea ma largu a proţesilor di reformă, nica spusi caplu a statului. Opoziţia şi observatorl’ii cari ălu cutuyursescu purtaticlu - marcată, tru minduita a lor, di ună cabaia mari tentaţie autoritaristă – să spusiră nvirinaţ di discursul a prezidentului şi lu aflară – stipsit că chiru ligătura cu realitatea. Recursul al Băsescu la metafora ufilisită a cumăndarlui cari ş-duţi cu hăiri pamporea la mealu – aluzie la zănatea a lui di thimel’iu - fu interpretată di critiţ ca ună confirmari că prezidentul nu va ş-alăxească inatea şi va s-bagă zori, ma largu, dimi prit corsetlu constituţional bagat ti naima marea ipotisi tru crat. Autor: Ştefan Stoica Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International