Radio Romania International

Arhiva :

Misuri di deschentralizari
(2009-05-11)
Atea dit soni aspuneari: 2009-05-11 14:33 EET Print
Guvernul ali Românii deadi cali la marea deschentralizari cari va da puteri ma mari a primarlor şi a prezidenţâlor presedintilor di consilii judeţeani. Misura va s-yină, tutu nâoarâ, ti ndruparea a cetăţeanlui, cari va s-poatâ ş-li ândreagâ problemili pi plan local. Tu unâ andamusi specială , cabinetlu a premierlui Emil Boc ari aprobatâ, dumânică, nomurli ti triţearea câtâ autorităţli locali a atributiilor di administrari ti sânâtati, poliţie şi sportu. Tora, chiro di dzaţi dzâli va s-hibă analizati şi proiectili di acti mutrinda deschentralizarea tu educaţie, agricultură, cultură şi lucru. Prit nalili acti normativi, s-amintă poliţia locală şi suntu apufusiti competenţi tu dumenea ali aradhă şi isihie publică, evidenţa a persoanilor şi dirijarea a urdinaril’ei pi căl’iurli publiţi ditu localităţi. Problemili cari ţânu di urdinarea pi căl’iurli naţionali şi a accidentilor armân tu competenţa ali poliţie naţională. Tu aţea ţi mutreaşti sportul, deschentralizarea va sâ s-facă progresiv, la câftarea a autorităţlor locali; aţea ţi tâni, ama di sportul di performanţă va s-armână, ama sum cumândusearea a Ministerlui di specialitati. Tu dumenea a sânâtatil’ei, spitalili judeţeani, municipali şi dit câsâbadz va s-hibă administrati di consiliili locali tu chirolu cându spitalili reghionali şi aţeali di interes naţional armân tu subordinea a Ministerlui a Sănătatil’ei. Premierlu Emil Boc ari declarată că transferlu competenţilor di la autorităţli chentrali cătă aţeali locali va sâ s-facâ şi prit pitriţearea di fonduri câtâ aesti comunităţ. El spuni ca prit deschentralizari, român’il’i va s-facă icunumie di chiro ş-di pâradz câţe va s-poată s-ândreagă acasă problemili ţi li ndzidzea, pânâ tora, maşi Bucureşti. Specialiştil’i tu politiţ publiţi dzâcu ama, câ unâ deschentralizari pi ayunie poati s-aducâ bândurări, câţe calitatea, integritatea şi competenţa multora di primarl’i şi prezidenţâl’i di consilii judeţeani nu suntu daima pi nivel. După intrarea pi lucru a strateghiilor ali deschentralizari, primarii va s-hibă unâ turile di premieri local’i, ângrâpseaşti jurnalu România Libiră, cari scoati tu migdani ş-că ună deschentralizari niminduită ghini poati, ti exemplu s-facâ poliţia locală s-agiungă ună turlie di i gardă pretoriană ufilisită di nâscânţ şefan’i local’i ţi li calcă nomurli. Tu Jurnalul Naţional, analistul Ion Cristoiu luyurseasti ş-elu câ deschentralizarea ari implicaţii electorali şi scoati tu padi slăbinţâli ali administraţie publicâ ditu Românie. Nu easti ananghi – ngrâpseaşti jurnalistul adusu aminti - s-hii inteligentu, livendu şi corect cu marli public, câ maş s-hii huzmichiarlu absolut a şefan’ilor di la chentru. Autor: Valentin Ţigău Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International