Radio Romania International

Arhiva :

Antriţearea ti Parlamentul European
(2009-05-08)
Atea dit soni aspuneari: 2009-05-08 14:43 EET Print
Di vineri, România ari intrată tu campania electorală ti alidzerili di la 7 di cirişaru, la cari electoratlu i cl’imatu s-aleagă pi aţel’i 33 di deputaţ cari va-l’i reprezintă tu Parlamentul European. Nu easti protlu euroscrutin ditu istoria ali vâsilie. Aprucheată tu Uniunea Europeană, la 1 di yinaru 2007, România ari exersatâ protili alidzeri ti Bruxelles şi Strasbourg tu veara a idyiului an, cându eurodeputaţl’i a l’ei amintarâ mandati “part time”, di niţi barim doi an’i. Easti, ama, ântân’ilu organizat simultan cu tuati alanti stati membri ali Uniuni şi protlu tu cari aţel’i aleptâ va s-hârseascâ di un mandat complet, di 5 an’i. S-au scriată tora, tu antriţeari, şasi partidi, ună alianţă electorală şi doi candidaţ independenţâ. Oferta politică easti di multi hromi şi, macari formal, li yilipseaşti mărli familii ideologhiţi ditu PE. Dreapta moderată easti nai ma ghini reprezentată. Pi aestu culoar concurează nu ma puţân di trei listi, ţi nu au tuti idyea puteari politică, ama tuti afiliati la Partidlu Popular European: PD-L (pro-prezidenţial, la guvernari), UDMR (tu opoziţie) şi PNŢCD (ântân’ilu partid românescu aprucheatu tu PPE, ama extra-parlamentar di aproapea 10 an’i). Tu numa a Socialiştilor Europen’i candidează suţâl’ia PSD (partenerul pedeliştilor la guvernare) şi n’iclu PC, vahi singurl’i conservatori di nastânga di pi continentu. Ari dapoia şi Sutâl’ia a Democraţlor şi Liberal’ilor Europen’i reprezentată di PNL, intrat tu opoziţie după aţea ţi el’i număsescu guvernarea di sucţes ditu an’il’i 2004 - 2008. Cu doctrini confuzi, populiştil’i ditu PRM şi nou ioşita tu migdani Forţă Civică sunt singurli partidi niafiliati european. Independenţiâl’i ţi candidează suntu gheneralul tu rezervă Pavel Abraham, aţelu di ma ninti şef al structurlor antidrog ditu Poliţia Româna, şi hil’ia ma n’ică a prezidentului lui Traian Băsescu, Elena, care, bombardată di sarcasmili a presâl’ei pi tema “fata al tati ”, nu mata candidează pi listili PDL, ama tăxi că, ma s-hibă aleapţa va sâ s-toarnă tu partidlu a afendusui. Iara sondajili scotu tu migdani ca ari mări şansi s-agiungâ “eurodeputata alu tati.” Altâ turlie idyili sondaji armân contradictorii şi crescu suspansul. Dupu comanditar, institutieli di specialitati bagâ pi protlu PDL, ică PSD, dauâli cu vârâ 30%. Liberal’i suntu pi treilu locu, cu aproapea 20 proţenti. Pisti praglu electoral di 5% potu s-treacâ maş PRM şi UDMR, dauâli scoruri di unâ singurâ cifră. Sondajili s-uidusescu ama tu ţi mutreaşti prognoza mutrinda absenteismul. Cari, pi fondul nipistil’ei criscânda a român’ilor andicra di politică, poati s-ahiungâ unâ nauâ rată recordu, di 70-75%. Autor: Bogdan Matei Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International