Radio Romania International

Arhiva :

Dilemi tu ligătura cu tin’iili di cafi mes
(2009-04-30)
Atea dit soni aspuneari: 2009-04-30 14:05 EET Print
Unda di şoc ahurheaşti să s-duchească la eşaloanili inferioari a sistemlui bugetar românescu, dupâ ţi guvernul a premierului Emil Boc apufusi, stâmâna aestâ, ingl’iţarea, pânâ la 31 di andreu 2009, a tin’iilor di cafi mes ti personalu ţi lucreadză la stat. Di aestă apofasova s-aibă zn’ie aproapea 1,5 miliun’i di lucrători cari numata va s-poată să s-hărsească, după ordonanţa di ananghi votată marţă, di vără crişteari a tin’iilor di cafi mes, niţi barim di ajustarea di 5%, andicra di criştearea ali inflaţie, tăxita di autorităţ. Naima mulţăl’i nvirinaţsuntu profesorl’ii, tră cari oamin’il’i politiţ ţi suntu ază la cumăndusearea ali Românie s-alumtară, tu parlamentul di ma năinti, căndu eara tru opoziţie, s-amintă ună crişteari a tin’iilor di cafi mes cu 50%; aestă crişteari, anvartuşită prit nom, s-pari că avu maşi un caractiru electoral, căţe, deapoa, să spusi cănu ari păradz ta s-da apandisi la proiectu. Tora ma nainţi ministurlu ali Educaţie, Ecaterina Andronescu, căftă a inspectoratilor şcolari s-apufusească desi va li scadă amintatiţli ică scutearea di pi lucru a dascal’ilor dit inviţămintu, apofasi ţi poati s-aducă zn’ie la atel’i 20.000 di dascal’i şi personal auxiliar. Problemi cu tin’iili di cafi mes ari şi la Căl’iurli di Her Români. Cama di 8000 di feroviari inşiră, n’ercuri, pi geadei, căftăndalui dănăsearea a concedierlor şi intervenţia a statlui român ti redresarea a căl’iurlor di her, ţi suntu tu ună catandisi lăhtăroasă. Ti apăndăseaşti guvernul? Ministurlu a Finanţelor, Gheorghe Pogea, easti cu minduearea că Fondul Monetar Internaţional, di la cari Bucureştiul va s-l’ia un mpărmut di aproapea 13 di miliardi di euro, ţăni tu fărnu deficitluixichea bugetară ali Românie. Tu protlu trimestru – spun isăchili ufiţiali - deficitlu bugetar ali Românie fu di 1,5% dit PIB, ţi s-arădăpseaşti tu mărdzin’ili apufusiti cu organizaţia financiară internaţională. Cu tuti aesti, s-ducheaşti ună scădeari a amintatiţlor, tru protlu trimestru, cu 5,5% comparativ cu idyiul chiro a anlui ţi tricu. Tru tut anlu, ţinta di ixichideficit bugetar achicăsită cu FMI easti di 4,6% dit PIB ama vărnu, ma pţanu guvernanţăl’i, nu asiguripsescu tin’isearea a lui. Economia românească şeadi pi nturyisita a căţutlui şi, căţe s-dimăndă dzăli greali, caplu a statlui, Traian Băsescu, l’i-căndăseaşti român’l’i s-hibăapridunaţ tu ţi mutreaşti crişterli a tin’iilor di cafi mes. El luyurseaşti că aţel’i ţi nica pot s-minduească că pot s-aibă tin’iili di cafi mes ma mări “nu vor s-mutrească realitatea” şi au alathusi. Băsescu nica lă dimăndă a român’ilor că easti cu nădii căţe - spuni năs - guvernul al Boc “lo apofasili obligatorii” tra s-nu s-agiungă la ună archişurari economică. Ma zori easti, ama, ti prezidentu, să-l’i facă s-achicăsească lucărlu aestu pi compatrioţl’ii a lui. Textul: Valentin Tigău Apridutearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International