Radio Romania International

Arhiva :

Uniunea Europeană şi situaţia ditu Republica Moldova
(2009-04-28)
Atea dit soni aspuneari: 2009-04-28 13:38 EET Print
Gâilipsiţ di situaţia ditu Ripublica Moldova după cutuyursitili alidzeri leghislativi di la ânchisita a meslui, miniştril’i europen’i ti politica cu xeanili s-au acâchisitâ câ easti ananghi di unâ comisie cari s-ancheteazâ protestili antiguvernamentali cari s-feasţirâ dupu votari şi turlia cum autorităţli comunisti datâ apandisi la manifestaţiili di protestu. Unâ delegaţie a Parlamentului European, ţi easti dusâ Chişinău ti documentari pi idyea temă, adunâ dati cari scotu tu migdani tratamentul abuziv ţi-llu avurâ tinirl’i manifestanţâ ţi furâ acâţaţ di poliţie după proteste. Europarlamentarlu român, Marian Jean Marinescu, membru ali delegaţie a PE, dzâsi câ anchetatorl’i moldoven’i au câlcatâ ăndrepturli a omlui, ufilisirâ pârjina şi torturi şi nâscântu chiro niţi nu lâ deadirâ izini a âncl’işlor s-azburascâ cu un avocat. Vârâ 300 di tiniri câzurâ curbani a aiştor câlcări ăndrepturlor a omlui. Criza di Chişinău easti analizată pi nivelul ali Uniuni Europeanâ tu un momentu cându aestâ s-ândreadzi s-lanseazâ Parteneriatlu Estic, un mecanismu di colaborari prit cari partenerl’i ditu apriritâ va s-hibâ ândrupaţ tu pidimolu di reformă, consolidari statală şi di aprucheari di standardli europeani. Şeflu ali diplomaţie di Bucureşti, Cristian Diaconescu, dzâţi ama, că participarea ali Ripublicâ Moldova la aestu Parteneriat, ama şi duţearea ninti a pâzârâpserlor ti unâ aprucheari di Uniuni tânu di tin’isearea a valorlor comunitari. Faptili ali puteari comunistâ probează, tora di oarâ, dip al’iumtrea. Pi di altă parti, vcu tuti câ nai ma multi di arăieţli a regimlui Voronin s-ducu câtâ elu, Bucureştiul da apandasi cu moderaţie. Ministrul Diaconescu deadi asiguripseri, că România nu ari naeti s-pripună ali Uniuni dânâsearea a pâzârâpserlor di aderari cu Chişinăulu. “Voiu s-facu ama şi unâ limbidzari, sigura, nu s-bagâ problema ca România s-caftâ dânâsearea a pâzârâpserlor anamisa di Ripublica Moldova şi Uniunea Europeanã. Vrea s-eara unâ mari alatusi s-li confundam acţiunili a unui guvernu cu nâdiili europeani ti acâchiseari a cetăţen’ilor ali Ripublicâ Moldova. Aţea ţi noi câftămu easti ca progreseli pi mandatlu di pâzârâpseri mutrinda unâ nauâ acâchiseari anamisa di Uniunea Europeană şi Riepublica Moldova s-hibâ evaluati dupu cumu suntu tin’isiti principiili, normili şi acquis-ulu comunitar”. Bucureştiul nu va s-da apandasi la cârtelili diplomatiţi a Chişinăului, cari lu ari declaratâ persona non grata pi ambasadorlu român şi nu lu-apruche, fără sâ spunâ ti ţi itie, pi ătel numâsitu tu loclu a lui, ama aşteptâ nica unâ normalizari a dialoglui bilateral. Autor: Stefan Stoica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International