Radio Romania International

Arhiva :

Aputruseri tu R.Moldova
(2009-04-14)
Atea dit soni aspuneari: 2009-04-14 14:18 EET Print
Opoziţia politică ditu R.Moldova ( ex-sovieticâ, majoritar romanofonâ) ari câftatâ agiutorlu a instituţiilor internaţionali ta s-limbidzascâ catandisea a persoanilor acâţati di poliţii şi ţânuti, nica, tu arestu după demonstraţiili anticomunisti cari s-feaţirâ Chişinău, stâmâna ţi tricu. Ti ândruparea a câftărlor, primarlu liberal ali capitalâ moldoveanâ, Dorin Chirtoacă, ari ândreaptâ un dosar tu cari ari certificati medico-legali, mărtirii foto, video şi audio ti trânipsearea ţi u trapsirâ la poliţie aţel’i âncl’işi. Aesti facti ti lâhtari li scoati tu migdani Vlad Filat, prezidentul a Partidlui Liberal Democrat ditu R.Moldova:“Avem, nica, multi persoani a curi mirâ nu sâ ştie, avem pârinţâ mulţâ cari nâ caftâ cu telefoneza la partid, contacteazâ colegan’il’i a noştri ditu teritoriu. Nu sâ ştie ţi s-feaţi cu aţel’i ţi chirurâ, el’i nu suntu pi lista afişatâ di Ministerlu di Interni ama, tutunâoarâ, nu l’i aflâ niţi la cămini, niţi la instituţiili di ânviţari, niţi acasâ, niţi la soie. Dimi himu gâilipsiţ ş-avemu unâ şupeie lâhtâroasâ câ ari mulţâ cari ştie pi ţi halâ.” Un reprezentantu al ONU tu R.Moldova, a curi zboarâ li tipuseaşti presa di Chişinau, scoasi tu migdani mări câlcări a ândrepturlor a omlui tu cazlu a inşilor âncl’işi la poliţie. Edwin Berry dzâţi câ ari vizitatâ, sâmbâtă, un penitenciar iu zburâ cu 40 di aeşti ncl’işi . El declară câ s-videa câ tinirl’i aveamâcatâ pârjinâ şi s-plâmsirâ câ lâ da dip puţânâ apâ ş-mâcari ş-câ nu puturâ s-azburascâ cu un avocat. Bucuresti, catandisea easti mutritâ cu gaile di instituţiili a statlui şi di societatea civilâ. Prezidentul ali Românie, Traian Băsescu, ari declaratâ, ninti s-l’ia poziţii oficiali dinintea a camerlor reuniti a Parlamemtului Român, câ Bucureştiul va s-aibâ unâ praxi responsabilâ andicra di aţeali 4 miliun’i di etniţ român’i cari bâneadzâ tu R.Moldova. Traian Băsescu:“Voiu sâ stiţi câ am avutâ, pi di unâ parti, multâ arâvdari, ta s-am unâ analizâ completâ ţi aţeali ţi s-feaţirâ tu R.Moldova, ş-pi di altâ parti, ân’i pâru câ ma s-dau apandasi “pisti gardu” a prezidentului moldovean Voronin easti tamam agioclu tu cari dumnil’ia a lui vrea s-intrâ cu România. Siguru, elu poati s-apufuseascâ icâ poati s-lu tragâ pirdelu di her pi Prut. Nu-va-l’i dămu ocazia s-facâ aestu lucru, câţe va s-avemu unâ praxi europeanâ, unâ praxi responsabilâ, nu andicra di prezidentul Voronin, ama andicra di aţel’i 4 miliun’i di român’i cari bâneadzâ tu R.Moldova, 4 miliun’i di român’i, cetăţen’i ali R.Moldovâ, parti a aiştui popul (român).“ Autor: Valentin Tigau Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International