Radio Romania International

Arhiva :

Reacţii la evenimentili di Chişinău
(2009-04-08)
Atea dit soni aspuneari: 2009-04-08 15:01 EET Print
Ripublica Moldova – Văsilie ex-sovietică cu naima mulţăl’i bănători român’i ş-ţi easti tu sinurlu anamisa di Uniunea Europene şi NATO – pari s-hibă ună entitati statală ampărţată suţial. Di ună parti va s-hibă ună populaţie ahuşită, nai cama multu tu hori şi asistată. Di alanta parti easti barnul tiniru, dit căsăbadz şi ligată cu modernitatea europeană. Cate esterizoniera a tricutlui chiro, urfăneatal’ei şi niputearil’ei, prota anvărtuşeadză, prit votlu a l’ei, monopolu a comuniştilor contra a putearil’ei, pi cari a daua, exasperată, cilăstăseaşti să-lu-aspargă. Plascănearea a prişcăviil’ei di Chişinău – ca ti ciudie, vahi, ti mulţa observatori extern’i – easti maş simptomlu a lăngoaril’ei greauă di cari tradzi cratlu moldovean, atea dit soni vatră comunistă dit Europa. Comuniştil’i ghvăsescu, ama, tu cl’aia işiş evenimentili. Aureolat di ună victorie susta a partidlui a lui tu alidzerli di dumănică şi cu isapea ti bună a proţeslui electoral ţi vini di la organismili internaţionali, prezidentul Vladimir Voronin stipseaşti mărazea opoziţie pro-europeană ti goadă di cratu. Tu versiunea Voronin, liceean’il’i şi studenţăl’ii vrea s-hibă nţăpaţ şi trapţă tu ună aventură pucistă, dinăpoia a curi, aşi cum yinu stipserli di Chişinău, ş-di Moscova, easti România. Călit, ama, tu optu an’i di regim Voronin ma multu ncuntrat, Bucureştiul apăndăsi ngătan şi tu simfunie păn di mardzina cu minduita europeană, căftăndalui dănăsearea a prişcăviilor şi căndăsindalui la dialog politic. Suţiitatea ţivilă dit România să spusi ca tu suţată cu tinirl’ii di Chişinău, iara presa ducheaşti că, neise, fraţli’i moldovean’i di pisti Prut u loară lăngoarea a spiritlui revoluţionar. “Revoluţia feaţi, cali, 20 an’i di Bucureşti păn di Chişinău” ducheaşti GÂNDUL, chiro tru cari COTIDIANUL nyrăpseaşti hărăcop: “După 20 an’i, a daua revoluţie românească. Chişinău.”. Idyea publicaţie spuni: „Tu andreu 1989, revoluţia română eara prota dit lumi pitricută nyie la televizor; tru apriiu 2009, revoluţia di Chişinău easti prima revolta populară dată tru şteari di multimedia”. „Moldova – revolta a bărnului Twitter”, nyrăpseaşti ROMÂNIA LIBERĂ, cundil’ndalui că revolta s-teasi prit şingirlu ţi poartă aestă numă ş-ţi asiguripseaşti socializarea fără păradz pi Internet. Tinirl’i moldovean’i aprăftăsiră, aestă turlie, cu tută ambudyiusearea informaţională apufusită di autorităţ, „să-lu-cutreambură comunismul”, aşi cum nyrăpseaşti EVENIMENTUL ZILEI. Neise, ADEVĂRUL mindueaşti că tinirl’ii di pisti Prut inşiră pi geadei tra ş-amintă libirtatea, sătul’i nica s-băneadză ca tu pundie. Jurnalu nu poati ama tra ş-curmă minduita şi bagă ună ntribari:”Va s-ascapa Basarabia di atel’i dit soni comunişti ali Europei? Textul: Stefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International